Ibrani 4:12 - Taaz Weru Witu u Nunuwu'en Tombulu

¹² Pahpaan u Nuwu' ni Opo Empung é mahwéhé ung katou-touan wo mahkawasa wo totoz tewel, lumousé um pisou tewel zua masaru, sa iwetuma én toro muntep makaz witu un tampa totoz lalem taka-takazan un asengan wo si roh én toro matampasan, téntu kangkasii am wukuna an zuhi wo am witu un untep an zuhi én toro matampasan. U Nuwu' itii kangkasii é makawawa in tumotoz ulit kaapa zéi'kan am witu ung genang né tou wo am paaz un até ni tou.

Ibrani 4:12 Iomraidhean Croise

Lukas 8:11

Téntii ung kalakoan un aandéan itii: Am watuna tatanemen itii é Nuwu' ni Opo Empung.

Yohanes 12:48

Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan.

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Kisah Rasul-rasul 2:37

In timalingala niitu péléng, ni séra én totoz mene'sel a meligau wia si Petrus wo sé aatu walina, “Katuari-katuari, apa u léwo'zéi' im wangunen nai?”

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Kisah Rasul-rasul 5:33

Kaitalingamé niitu, ni séra én totoz maupi' wo nimaesaan i munu' sé aatu itii.

Kisah Rasul-rasul 7:38

I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.

Roma 1:16

Ni aku én zéi'kan maizang i mahwoka' u Nuwu' Lé'os tumoro si Yesus, pahpaan u Nuwu' Lé'os itii éng kawasa ni Opo Empung i milot péléng sé tou sé ma'éman im witu un ukuman wana a singkéla', kataré-taré é sé tou Yahudi wo kasii sé tou zéi'kan Yahudi.

1 Korintus 1:24

Taan im wia sé tou tinawah ni Opo Empung, séra in tou Yahudi kaapa séra in zéi'kan tou Yahudi, si Kristus si tumuzu'mé ung kawasa wo ung katulapan ni Opo Empung.

2 Korintus 2:17

Ni kai én zéi'kan mahwangun tanu sé tou lakez walina, pahpaan ni séra i mahwoka' u Nuwu' ni Opo Empung én tanu mahwangkér i menéro uman ang kawa'ilanan néra. Taan ni kai i mahkiit si Kristus én uli-ulit mahwoka' uman u Nuwu' ni Opo Empung wia sé tou, witu u sinaru-Na wo mahkiit uman a méiperénta-Na.

2 Korintus 4:2

Taan ni kai i mahpaayang én zéi'kan mahwuni-wuni ang kaizangnokané. Ni kai kasii én zéi'kan mahtowo wia sé tou wo zéi'kan mahtuzu' an zéi'kan ulit tumoro u Nuwu' ni Opo Empung. Taan, ni kai mahtuzu' an ulit ing kumiit am paaz ni Opo Empung. Karia in téntu, péléng sé toumokan sé mahtata'ula mengiit ung genang lé'os niou witu u sinaru ni Opo Empung, sa an ipahtuzu' nai ulit kaapa zéi'kan.

Efesus 5:13

Taan sa kuantama am pahwangunen néra ipahwuni-wuni itii é simala' wo ni séra toro mata'u am pahwangunen néra é simala', un téntu én tanumokan i mahalima u solo i sumena' witu ung karimbengbengan.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

Efesus 6:17

Si Opo Empung nimiloto ni kamu im witu un ukuman wana a singkéla', niitu én tanu ni kamu niméndo um porong uaséi méiwéhémé ni Opo Empung ing kumelung un ulu niou. Wo pakéla u Nuwu' ni Opo Empung tanu um pisou méiwéhémé ni Roh ni Opo Empung u nimangun ni kamu nimimeko i sumaru sé kakoro'.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

Ibrani 13:7

Genangen nioula sé tonaas niou im puuna sé nimahwoka'momé u Nuwu' ni Opo Empung wia ni kamu. Wéhan nioula genang kura ung katou-touan néra makaz ni séra i nimaté wo kéréala um pa'émanen néra.

Ibrani 6:5

Ni séra kangkasii é nimé'annomé u lé'osna u Nuwu' ni Opo Empung wo nimé'annomé ang kawasa-Na, a mamualimokan i nimawerumoma ung kaayahan,

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

Wahyu 1:16

U lengen-Na kakan én timion sé pitu tototi'en, wo witu u sumah-Na é nimondolé um pisou tewel zua masaru. Ung gio-Na é mahsena' tanumokan u sena' ni endo ing karentu-rentungna.

Wahyu 19:15

Im witu u sumah-Na é nimondolé um pisou tewel ung kumala péléng sé tahsasana wanua, wo ni Sia é merénta ni séra karia ung ketez totoz wangko', tanumokan i merénta karia un teken uaséi, wo ni Sia é mapailek un upi' ni Opo Empung, si Totoz Mahkawasa wia sé kakoro'-Na, tanumokan i mahlééka am wua'na an anggor witi pahpesutan an anggor.

Wahyu 19:21

Péléng sé nimatezama ém winunu' karia um pisou nimondolé witu sumah ni Simaké wia si kawalo itii; wo péléng sé menéwé-néwél é nimawesuh ing kiman a lé'ona né winunu' itii.

Wahyu 2:16

Niitumo, tia'mo mahwangun an téntu! Sa zéi'kan, ni Aku é rengan i méyé wia ni kamu wo sumaru ni séra karia um pisou u nimondolé witu u sumah-Ku kenu.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.

Wahyu 20:4

An ilekengkuma a rurumezan né kolano wo sé tou rimumez witu ém winéhanna ung kawasa in tumotoz ulit kaapa zéi'kan am pinahlé'osé né tou. Ilekengku kasiima sé roh né tou sé im puuna éng kinetoran an ulu pahpaan i mahkua a niilek wo an tinalinga néra tumoro si Yesus wo kasii pahpaan i mahkua u Nuwu' ni Opo Empung, sé zéi'kan mahongkot wo mahsigi' wia si binatang wo wia si patong ni binatang itii wo sé zéi'kan tinandaan an tungtung wo a lengen néra. Ni séra é méitou sumaup ni Opo Empung, a merénta ing kolano karia ni Kristus sana riwuna ta'un ung kauréna.