Ibrani 4:1 - Taaz Weru Witu u Nunuwu'en Tombulu

¹ Zozo' un taaz ni Opo Empung i muntep witi tampa makanaan-Na én zéi'kampé' méikana', taan mile-ilek wo tia' im wia ni kamu ém wéwéhan si pahgenangela in ikatula'u wo zéi'kan mata'u muntep witi tampa makanaan itii.

Ibrani 4:1 Iomraidhean Croise

Matius 24:48

Taan sa si ata itii é léwo' wo gimenang in téntii,

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Roma 11:20

Niitu én ulit téntu! Taan gena-genangen ang kenu, ni séra sé tanumokan um panga itii éng kinetora pahpaan ni séra én zéi'kan ma'éman, taan ni kamu in tou zéi'kan Yahudi toro nimaesa karia ung kai itii pahpaan i ma'éman. Niitumo, ni kamu én tia' mahlooz un tou niou, taan tawimo ni kamu i maindé'la.

Roma 3:23

Pahpaan péléng sé tou é simingkéla'mola wo zéi'mo wangun i makailek u lolooz wo sisigi'an ni Opo Empung.

1 Korintus 10:12

Niitumo, séi si mahgenangla um pa'émanenna én enté'mo, ni sia é mile-ilek én taa ikakiit uman i mahwangun a singkéla'.

2 Korintus 6:1

Ni kai éng kapaayang ni Opo Empung, niitumo ni kai sumésama wia ni kamu, tia' ung kamang méitambér ni Opo Empung ung kinailekan niouo én zéi'kan siapa torona.

Galatia 5:4

Sa kamu mahtututu' in éndon ulit witu u sinaru ni Opo Empung pahpaan i mahkiit un ukum Torat, ung katou-touan niou én zéi'mo méikauntep witu ung kamang tatambér ni Opo Empung.

2 Timutius 2:13

Sa kita nimaliuz wana a méitaazta, ni Sia én zéi'kan kawisa nimaliuz wana a méitaaz-Na, pahpaan zéi'kan mamuali ni Sia ing kumélong un tou-Na.”

Ibrani 12:15

Mile-ilekla wo zéi'kan siapa zozo' in esa im wia ni kamu si kinaliongan ung kamang tatambér ni Opo Empung. Pahpaan sa wéwéhan si téntu, ni sia é maéndo tanu tinanem melangu un toro lumangu sé tou lakez wo mangun sé tou lakez maléwo'.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 13:7

Genangen nioula sé tonaas niou im puuna sé nimahwoka'momé u Nuwu' ni Opo Empung wia ni kamu. Wéhan nioula genang kura ung katou-touan néra makaz ni séra i nimaté wo kéréala um pa'émanen néra.

Ibrani 3:11

Pahpaan in totoz maupi' ni Aku é mahtiwa', ‘Ni séra én zéi'kan ikauntep witu un tampa makanaang-Ku ing kumana' karia-Ku.’ ”

Ibrani 4:11

Niitumo, tawimo kita mahtututu'la i muntep witi tampa pahkanaan itii, wo zéi'kan siapa zozo' in esa si zéi'kan méikauntep witi tampa pahkanaan itii pahpaan mahkiit uman am pahwangunen né tou zéi'kan mahtali-talinga si Opo Empung.

Ibrani 4:9

Niitumo, wia sé tou ni Opo Empung ém wéwéhampé' u sana endo méiwéhé ni Opo Empung ing kumana' tanu ni Sia ing kimana' witu un endo kapitu.