Ibrani 3:5 - Taaz Weru Witu u Nunuwu'en Tombulu

⁵ Si Musa in ata é mahwangun péléng a méiatu ni Opo Empung witi Walé-Na, un tumuzu'mé tumoro an ikua ni Opo Empung in tumondong.

Ibrani 3:5 Iomraidhean Croise

Matius 24:45

Kuano kasii ni Yesus, “Sa téntu, séi si ata mahtali-talinga wo tulap si éndon ni tuangna i maéndo tonaas né ata walina wo mahwéhé ung kanen wia ni séra witu un oras tinotozo?

Matius 25:21

Ang kuan ni tuangna wia ni sia, ‘Totoz wangun um winangunmula itii. Ni ko én ata lé'os wo toro pa'émanen. Ni ko én toro pa'émanen i mahpaayang ang kori', niitumo ni ko én tarawésaangku u lumouspé'mé niitu. In tarékan muntepomé wo méyémo i mahpaa-paaz kariaku!’

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 24:27

A si Yesus mapata'uma wia ni séra a mémoipantik witu péléng um Pinantik Lenas tumoro ni Sia, rengané witu ung kitap pinantik ni Musa makaz wana ang kitap pinantik né nabi.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Yohanes 5:39

Ni kamu sekezé é mahtata'u um Pinantik Lenas pahpaan ni kamu mahgenangla im witu ni kamu toro mata'umé kura i makailek ung katou-touan makaz ing kauré-uré. Zozo' in téntu, witu um Pinantik Lenas itii én tumuzu'mé tumoro ni Aku.

Kisah Rasul-rasul 28:23

A séra tumotozla un endo i mahilekan sumaup karia ni Paulus. I méikaayomola witu un endo tinotoz itii, totoz lakez sé tou niméyé witi pahwéha-wéhan ni Paulus. Rengan im woondo makaz im wengindo, si Paulus mahtuzu' wo mahsirita wia ni séra tumoro ung Kakolanoan ni Opo Empung. Wo ni sia kasii mahtututu' i mangun sé tou itii ma'éman tumoro si Yesus mengiité un ukum ni Musa wo ang kitap né nabi.

Kisah Rasul-rasul 7:37

Si Musa kenu kasii si kimua wia sé tou Israel in téntii, ‘Im wia sé tahsasana wanua niou é méyé si nabi tanu ni aku si iwéhé ni Opo Empung.’

Roma 3:21

Taan in tarékan, si Opo Empung én timuzu'momé u lalan wia sé tou kura in éndon-Na ulit, zéi'kan pahpaan i mahkiit un ukum Torat, taan u lalan kura i maéndo ulit itii é mémoipantik im puuna witu un ukum Torat wo wana am pinantik né nabi,

1 Korintus 4:2

Niitumo, un totoz pahaléien wia sé mahpaa-paayang-Na én uli-ulit mahpaayang am paayangen néra.

1 Timutius 1:12

Ni aku kumua u makasé wia si Kristus Yesus Mahpiarata, pahpaan ni Sia si nimenté' ni aku i maayang wia ni Sia wo ni aku ém pahgenangen-Nala wangun i maayang um paayangen itii, wo ni Sia niméhé um paayangen wia ni aku i maayang wia ni Sia.

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

Ibrani 3:2

Ni Sia é mahwangun péléng a méiatu ni Opo Empung si niméléng ni Sia, tanu si Musa mahwangun péléng a méiatu ni Opo Empung i mahsawang sé tou Israel sé tanumokan um Walé ni Opo Empung.

Ibrani 3:4

Pahpaan péléng am walé ém winangun ni memamangun um walé, taan si nimangun péléng am péléng é si Opo Empung.

Ibrani 8:5

Ni séra é mahpaayang witi Walé ni Opo Empung un totoz masuat karia um Walé ni Opo Empung witi kasendukan. Niitu én totoz masuat karia u méikua ni Opo Empung wia si Musa puunala sia i nimangun un ténda ni Opo Empung. Si Opo Empung éng kimua wia si Musa, “Gena-genangen! Ni ko é léwo'zéi' mangun niitu péléng mengiit ung kékéréan u mémoipapailek-Ku wia ni ko im witi kentur itii.”

Ibrani 9:24

Pahpaan si Kristus zéi'kan muntep witi tampa Totoz Lenas um winangun né tou un tanu uman un uli-ulit tampa Totoz Lenas um witi kasendukan, taan si Kristus é nimuntepoma witi kasendukan wo in tarékan ni Sia ém witumo u sinaru ni Opo Empung in tumulung ni kita.

Wahyu 15:3

Wo ni séra é mahkantar ung kakantaren ni Musa, si ata ni Opo Empung wo kasii ung kakantaren ni Anak ni Domba, u mahkuamé in téntii, “Wangko' wo zéi'kan kakuaan péléng am pinaayang-Mu, o Mahpiara, Opo Empung, Si Totoz Mahkawasa! Péléng am winangun-Mu én zéi'kan mahsanaweka wo ulit, o Kolano péléng né tahsasana wanua!