Ibrani 3:3 - Taaz Weru Witu u Nunuwu'en Tombulu

³ Taan si Yesus é lumouspé'mé si Musa im pahsigi'en wo pahloozen. Niitu é masuatokan karia ni memamangun um walé, ni siapé' si lumouspé'mé im pahsigi'en taan um walé winangunna itii.

Ibrani 3:3 Iomraidhean Croise

Matius 16:18

Wo ni Aku kangkasii éng kumuama wia ni ko: Ni ko ém Petrus, ung kalakoana ém watu. Witu um wawo um watu kenu ni Aku é rumendai sé jamaat-Ku, wo um patéan zéi'kan mata'u kumawasa niitu.

1 Korintus 3:9

Ni kai éng kapaayang ni Opo Empung. Ni kamu én tanu an uma ni Opo Empung wo tanu um walé winangun ni Opo Empung.

2 Korintus 3:7

Un ukum Torat u mahwali ni kita witu um patéan é méipantik witu um watu. Maan in téntu, in oras um pinataazan itii méiwéhé éng karia ung kawangko'an ni Opo Empung. Im witu un oras um pinataazan itii i méiwéhé, nimangun ung gio ni Musa i mahsena', makaz sé tou Israel zéi'kan mata'u milek ung giona. Zozo' u sena' itii én zéi'kan nimauréma. Sa un ukum Torat u mahwali witu um patéan ém wangko'mo,

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.

Ibrani 3:4

Pahpaan péléng am walé ém winangun ni memamangun um walé, taan si nimangun péléng am péléng é si Opo Empung.

Ibrani 3:6

Taan si Kristus in Oki' ni Opo Empung é si mahwangun a méiatu ni Opo Empung im witu um walé-Na wo ni kitamo um walé-Na itii, sa kita zéi'kan mazéi' in totoz ma'éman wo niméré' uman un iwéhémé ni Opo Empung u mangun ni kita i mahpaa-paaz.