Ibrani 3:2 - Taaz Weru Witu u Nunuwu'en Tombulu

² Ni Sia é mahwangun péléng a méiatu ni Opo Empung si niméléng ni Sia, tanu si Musa mahwangun péléng a méiatu ni Opo Empung i mahsawang sé tou Israel sé tanumokan um Walé ni Opo Empung.

Ibrani 3:2 Iomraidhean Croise

Yohanes 15:10

Sa ni kamu mahkii-kiit am perénta-Ku, ni kamu é menou-nou in tou sé karaaté-Ku. Tanu ni Aku i mahkii-kiit am perénta ni Ama'-Ku wo ni Aku é menou-nou in tou si karaaté-Na.

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Yohanes 8:29

Ni Sia, si nimatumé ni Aku é menaté-natér ni Aku. Zéi'kan iwaya-Na ni Aku i mengesa-ngesa, pahpaan ni Aku sekezé é mahwangun a mangun ni Sia mahpaa-paaz.”

Efesus 2:22

Pahpaan nimaesa karia ni Yesus Kristus ni kamu ém pahwangunen i maéndo walé pahento'an ni Roh ni Opo Empung.

1 Timutius 1:12

Ni aku kumua u makasé wia si Kristus Yesus Mahpiarata, pahpaan ni Sia si nimenté' ni aku i maayang wia ni Sia wo ni aku ém pahgenangen-Nala wangun i maayang um paayangen itii, wo ni Sia niméhé um paayangen wia ni aku i maayang wia ni Sia.

1 Timutius 3:15

wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.