Ibrani 3:13 - Taaz Weru Witu u Nunuwu'en Tombulu

¹³ Taan mahsésésaala si esa im wia sé walina sekez in endo, in toropé' taré kumua “endo kenu”, wo zozo' in esa im wia ni kamu én zéi'kan siapa si matampezéi' pahpaan tinowoan a singkéla'.

Ibrani 3:13 Iomraidhean Croise

Kisah Rasul-rasul 11:23

I si Barnabas méikaayomola witu, an ilekennala kura si Opo Empung in timambér ung kamang wia ni séra, ni sia én totoz mahpaa-paaz. A séra sésaanala in zéi'kan toro mazéi' i ma'éman wia si Yesus Mahpiara.

Roma 7:11

Pahpaan karia un ukum Torat, a leloku i sumingkéla' ém wéwéhan orasna in tumowo wo munu' ni aku.

Efesus 4:22

Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

1 Tesalonika 2:11

Kata'uan niou um pahwangunen nai wia ni kamu é masuat wo um pahwangunen ni ama' im wia sé oki'na. Ni kai é mahsésa wo mahenté' an até niou si esa wo si esa

1 Tesalonika 4:18

Pahpaano niitu, ni kamu si esa wo sé walina é léwo'zéi' i maheenté'an un até karia an tutuzu' kenu.

1 Tesalonika 5:11

Pahpaano niitu, ni kamu si esa wo sé walina é léwo'zéi' mahsésésaala wo maheenté'ala un até, tanu am pahwangunen niou makaz in tarékan.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Ibrani 13:22

Katuari-katuari, ni aku é sumésama wia ni kamu, zozo' um pinantikku kenu ém potot uman. Mengalé-ngaléi uman ni kamu é sumungkul um pinantik kenu karia i mahpaa-paaz.

Yakobus 1:14

Taan si tou, si esa wo si esa ém pahwa'wa'en u lelo léwo'na in esa, pahpaan ni sia é nienou wo méikapaan witu u lelo léwo'na itii.