Biblia Todo Logo
Bìoball air-loidhne

- Sanasan -




Ibrani 3:12 - Taaz Weru Witu u Nunuwu'en Tombulu

12 Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

Faic an caibideil Dèan lethbhreac




Ibrani 3:12
37 Iomraidhean Croise  

A mingkotla si Simon Petrus, “Ni Komo si Mesias, Oki' ni Opo Empung si menou-nou.”


Ang kuan ni Yesus wia ni séra, “Tuméga-tégam én taa ni kamu ilulu né tou.


Niitumo, ni kamu én tuméga-tégamola! Péléng ang kenu é mémoikua-Ku wia ni kamu!”


Niitumo ni kamu é léwo'zéi' i mile-ilek wo tuméga-tégam! Pahpaan zéi'kan kata'uan niou sawisa un orasna i mamuali.


Taan ni kamu én tuméga-tégamola! Ni kamu én iayo wia sé mahkama agama wo ni kamu kangkasii é masaluken witi walé peraragésan. Ni kamu é maisaru wia sé gubernur wo sé kolano pahpaan mahkiit ni Aku i makumua an tinalinga wo a niilek niou tumoro ni Aku.


Am wingkotela ni Yesus, “Tuméga-tégam én taa kamu ilulu. Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’ wo ‘Un orasna é lelezo’. Ni kamu én tia' mahkii-kiit ni séra.


Pahpaan sa si Opo Empung zéi'kan mene'sel in tumia' sé tou Yahudi sé tanumokan pangana ang kai méitanem-Na, tia' ni kamu mahgenangla i ni Sia é mene'sel in tumia' ni kamu.


Niitumo, séi si mahgenangla um pa'émanenna én enté'mo, ni sia é mile-ilek én taa ikakiit uman i mahwangun a singkéla'.


Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.


Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.


Totoz makaindé'en sa kita ukumen ni Opo Empung si menou-nou.


Taan si tou-Ku si ulit é menou-nou pahpaan ma'éman. Wo sa sia timula'umoma ni Aku, si tou itii én zéi'kan wangun wia ni Aku.”


Mile-ilekla wo zéi'kan siapa zozo' in esa im wia ni kamu si kinaliongan ung kamang tatambér ni Opo Empung. Pahpaan sa wéwéhan si téntu, ni sia é maéndo tanu tinanem melangu un toro lumangu sé tou lakez wo mangun sé tou lakez maléwo'.


Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.


Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.


Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.


Pahpaano niitu ni Aku én totoz maupi' wia ni séra ang kumua: ‘Sekezé ni séra é soo ing kumiit ni Aku wo ni séra é soo mahwangun a méiatu-Ku.’


Niitumo, méikatuzu'momé i sé nimaopota én zéi'kan mata'u muntep witu un tampa itii pahpaan ni séra soo ma'éman si Opo Empung.


apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.


Lean sinn:

Sanasan


Sanasan