Ibrani 3:10 - Taaz Weru Witu u Nunuwu'en Tombulu

¹⁰ Pahpaano niitu ni Aku én totoz maupi' wia ni séra ang kumua: ‘Sekezé ni séra é soo ing kumiit ni Aku wo ni séra é soo mahwangun a méiatu-Ku.’

Ibrani 3:10 Iomraidhean Croise

Matius 20:24

In timalingamé niitu, sé mapulu' pahtuzu'en-Na walina, maupi' wia sé zua mahtuari itii.

Markus 3:5

Un até-Na én totoz rumara pahpaan ung kaketéhan un até néra. Karia i maupi' ni Sia mahwerenna wia sé tou makaliklik-Na. Ang kuan-Na wia si tou itii, “Iayaté u lengenmu.” An iayatla ni tou itii u lengenna a malé'osa.

Yohanes 8:45

Taan pahpaan ni Aku mahkuama ung kaulitan wia ni kamu, ni kamu én zéi'kan ma'éman wia ni Aku.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 3:7

Taan sa pahpaan un zéi'kan ulit um wia ni aku éng kalousna im pahileken ung kaulitan ni Opo Empung makaz ni Sia ém pahloozen wo pahsigi'en, kaa aku totozempé' ulit kaapa zéi'kan wana am pahwangunengku in tou mahsingkéla'?

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.