Ibrani 3:1 - Taaz Weru Witu u Nunuwu'en Tombulu

¹ Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

Ibrani 3:1 Iomraidhean Croise

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Yohanes 20:27

A Sia kumuala wia si Tomas, “Iteptepé un tutundu'mu wia'i wo ilekenola u lengen-Ku. Iayomé u lengenmu wo iteptepé un tutundu'mu witu u wentuhan-Ku wo tia'mo kasii ni ko zéi'kan ma'éman taan ma'émanola.”

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Roma 11:17

Sé woopira im wia sé tou Yahudi én tanu am panga kai zaitun ni Opo Empung ang kinetoro. An iéndomé pangana ang kai zaitun wana an talun an ilaput witu ung kai zaitun ni Opo Empung. Ni kamu in tou zéi'kan Yahudi én tanu am panga kai zaitun wana an talun. In tarékan, ni kamu é nimakaileko ung katou-touan wo ung ketez witu un ahmut ung kai méitanem ni Opo Empung.

Roma 15:27

Karia i mahpaa-paaz ni séra timotozla i mangun un téntu. Taan pahilekengkula ni séra é léwo'zéi' sumawang sé tou zéi'kan siapa apa itii. Pahpaan, sa sé tou Yahudi é niméténgo wia sé tou zéi'kan Yahudi ung kamang in timalinga u Nuwu' Lé'os tumoro si Yesus, tantumo sé tou zéi'kan Yahudi sé ma'éman é léwo'zéi' i sumawang sé tou Yahudi karia i méhéla wia ni séra am pemandungen néra.

Roma 15:8

Ung kalakoana én téntii: Si Kristus é nimaéndomo menanawang im wia sé tou Yahudi i mapailek i si Opo Empung én zéi'kan maliuz wana a méitaaz-Na wia sé nimaopota.

Roma 9:24

Ni kitamo sé tinawah-Na, zéi'kan uman kita in tou Yahudi taan kangkasii sé zéi'kan tou Yahudi,

1 Korintus 1:2

Um pinantik kenu én iwéhé wia ni kamu sé tou linenas ni Opo Empung, pahpaan nimaesamo karia ni Kristus Yesus wo sé tinawah i maéndo jamaat ni Opo Empung sé witi Korintus. Wo kasii wia péléng sé tou ma'éman wisa uman um pahento'an néra, sé sekezé é mahlooz wo mahmengaléi wia si Yesus Kristus Mahpiara néra wo Mahpiarata.

1 Korintus 10:17

Zozo' ni kita lakez wo u roti én esa uman, ni kita sé kiman u roti itii é nimaéndomola esa awak.

1 Korintus 9:23

Niana péléng ém winangunku wo kalakezna sé tou toro tumalinga u Nuwu' Lé'os tumoro si Kristus, wo ni aku kangkasii én toro makailek kamang witu u Nuwu' Lé'os itii.

2 Korintus 1:7

Ni kamu én totoz pa'émanen nai wo kata'uan nai pahpaan ni kamu é nimazézéha tanu am pinahpendan naimé. Niitumo, kata'uan nai si Opo Empung é nimenté' un até niou tanu um winangun-Na wia ni kai.

2 Korintus 9:13

I sé katuarita nimakailekla an zoit sasawang itii, ni séra é mahlooz wo mahsigi' si Opo Empung, un tumuzu'mé i ni kamu én uli-ulit kimiit wo ma'éman u Nuwu' Lé'os tumoro si Kristus. Ni séra é mahlooz wo mahsigi' si Opo Empung pahpaan i niilek nérala ni kamu é meripu' umané i mahwéhé a sasawang wia ni séra wo wia péléng sé tou.

Efesus 3:6

Ung kenu u méikawunipé' itii: Péléng sé tou ma'éman u Nuwu' Lé'os tumoro si Kristus Yesus, ni séra in tou Yahudi kaapa zéi'kan tou Yahudi é makailek um wéwéténgan im wana a méitaaz ni Opo Empung wia sé tou-Na. Ni kita péléng é maéndo esa awak wo makailek u mémoitaaz ni Opo Empung wia sé nimaesa karia ni Kristus Yesus.

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Efesus 4:4

Ni kamu é nimaéndomo tanu esa awak, esa Roh wo esa pahéré'an i mangun um paaz ni Opo Empung i ni Sia timawah ni kamu.

Filipi 3:14

Ni aku én tanu mahkara' i maayo um papatoroan i makailek ung kukulu, niitu ung katou-touan witi kasendukan. Pahpaan, niitumo ung kalakoan ni kita in tinawah ni Opo Empung mengiité si Kristus Yesus.

Kolose 1:12

wo kumua u makasé karia i mahpaa-paaz wia si Ama', si nimangun ni kamu im wangun makailek am wéténg u niimek-Namo wia sé tou linenas-Na, witi kasendukan, un tampa sumena-sena'.

Kolose 1:22

In tarékan, mengiité un awak ni Yesus Kristus i ni Sia nimaté sinalip, si Opo Empung nimangun ni kamu nimalé'osan sumaup karia-Na. Karia in téntu, ni kamu é linenas-Na wo weresi wo zéi'kan siapa um pahséro'an im witu u sinaru-Na.

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

1 Tesalonika 5:27

Totoz im pahaléiengku wia ni kamu karia ung kawasa ni Mahpiara, wo um pinantik kenu én ibacama wia péléng sé katuari esa pa'émanen.

2 Tesalonika 1:11

Pahpaano niitu, ni kamu én zéi'kan mazéi' in ipahpengaléi nai, wo si Opo Empung gumenang ni kamu wangun menou-nou in tou sé tinawahmo ing kumiit ni Sia. Ni kai kasii mengaléi wia si Opo Empung karia ung kawasa-Na in tumulung ni kamu sumampet péléng am wangun ang ginenang niou im wangunen wo i sumampet péléng am paayangen niou pahpaan ma'éman wia ni Sia.

2 Tesalonika 2:14

Pahpaano niitu, si Opo Empung én timawahmo ni kamu mengiité u Nuwu' Lé'os tumoro si Yesus u mémoipahwoka' nai wia ni kamu, wo ni kamu toro makailek u sigi' wo looz ni Yesus Kristus, si Mahpiarata.

1 Timutius 6:12

Mahtututu'la i menou-nou in tou ma'éman wia si Yesus wo makailek ung katou-touan makaz ing kauré-uré, tanumokan si tou mahlolowaan i makailek ung kukulu. Pahpaano niitu ni ko tinawah ni Opo Empung wo ko nimakaulitola witu u saru-sarun né tou lakez i ni ko é ma'éman si Yesus.

1 Timutius 6:2

Sa si tuang néra én tou ma'éman wia si Yesus, tia' wo sia zéi'kan tahlous pahsigi'en, pahpaan ni séra é mahtuari i ma'éman. Taantaré, sé ata é léwo'zéi' kalousna i mahpaayang wia si tuang néra, pahpaan si tuang pahpaayangan néra itii éng katuari i ma'éman wo ikararaaté néra. Péléng ang kenu én uli-ulit ituzu'la wo isésala wia sé jamaat.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

2 Timutius 2:7

Wéhanla genang a méikuaku kenu, si Mahpiara é mangun ni ko makawawa i makatulap péléng am péléng.

Ibrani 10:19

Niitumo katuari-katuari, pahpaan un zaha' ni Yesus é méikasaroi in zuméi' a singkéla'ta, in tarékan ni kita én zéi'mo maindé' i muntep witi Tampa Totoz Lenas.

Ibrani 10:21

Si Yesus ém Walian Wangko'ta si maéndo tonaas witi Walé ni Opo Empung.

Ibrani 10:23

Méyémo kita enté' i mahéré' wo zéi'kan mahzua-zua genang witu um pa'émanenta wia si Yesus, pahpaan si Opo Empung én zéi'kan maliuz i mangun a méitaaz-Na.

Ibrani 13:22

Katuari-katuari, ni aku é sumésama wia ni kamu, zozo' um pinantikku kenu ém potot uman. Mengalé-ngaléi uman ni kamu é sumungkul um pinantik kenu karia i mahpaa-paaz.

Ibrani 2:11

Si Yesus si limenas sé tou ma'éman wo ni séra sé linenas-Na ém péléng wia si Esa Ama' a méyé, ni Siamo si Opo Empung. Niitumo, si Yesus én zéi'kan maizang i mahkua ni séra ing katuari-Na.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

Ibrani 6:20

Si Yesus si kataré-taré nimuntep witu un tampa itii wo nimuka u lalan wia ni kita wo toro muntep witu. Pahpaano niitu, ni Sia é nimaéndomo Walian Wangko' makaz ing kauré-uré mengiit ung katou-touan wo um pakahpaayang ni Melkisedek im puuna.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.

Ibrani 7:28

Pahpaan wana un ukum Torat é méitotoz kura sé tou mahsingkéla' i maéndo Walian Wangko'. Taan un tiwa' méikua ni Opo Empung maapuma un ukum Torat itii i méiwéhé én timotoz si Oki'-Na i maéndo Walian Wangko', si zéi'kan siapa pahséro'an makaz ing kauré-uré.

Ibrani 9:11

In tarékan si Kristus é niméyémo im Walian Wangko' si mahalimé péléng am wangun a méitaaz ni Opo Empung wia ni kita. Si Kristus im Walian Wangko' é mahpaayango witi Ténda ni Opo Empung un totoz wangko' wo zéi'kan siapa pahséro'an. Un Ténda itii én zéi'kan winangun né tou; ung kalakoana én zéi'kan wia ung kaayahan um winangun uman kenu a méyé.

Ibrani 9:15

Pahpaano niitu, si Kristus nimahalimé um pinataazan weru niénéan ni Opo Empung wia sé tou. Karia in téntu, péléng sé tinawah ni Opo Empung é makailek ung kamang zéi'kan mahléwo-léwo'la makaz ing kauré-uré u méitaaz-Na, pahpaan si Kristus nimatémo i maér sé tou im witu un ukuman patéan pahpaan péléng a singkéla' néra, i ni séra mahkiitpé' um pinataazan kataré.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

1 Petrus 3:5

Pahpaan téntumo sé wéwéné mahsigi' si Opo Empung im puuna i mangun un tou néra ing kéndis. Ni séra én uli-ulit niméré' uman wia si Opo Empung wo si esa wo si esa mahtali-talinga wia si mahayona.

1 Petrus 5:1

Ni aku ém penatua tanu ni kamu wo ni aku éng kumuama a niilekku wo an tinalingaku tumoro an zézéha pinahpendané ni Kristus im puuna. Ni aku kangkasii é lamakailek wéténg im witu ung kawangko'an-Na i si Kristus mémapailek ung kawangko'an-Na. Niitumo ni aku é sumésama wia ni kamu:

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.

Wahyu 17:14

Ni séra éng kumoro' sumaru si Anak ni Domba. Taan si Anak ni Domba éng kumala ni séra, pahpaan si Anak ni Domba itii én Tuang péléng né tuang, wo kasii Kolano péléng né kolano. Wo sé tou sé memali-mali karia ni Anak ni Domba itii kasii éng kumala ni séra. Sé tou itii é sé tinawah, sé pinéléng wo kasii sé zéi'kan mazéi' i ma'éman wia si Opo Empung.”

Wahyu 18:20

Mahpaa-paazola é kamu sé witi kasendukan, ni kamu sé tou ni Opo Empung, sé aatu wo sé nabi, pahpaan am winangun néra wia ni kamu, sé tou witu um wanua tua'na itii é niukummoma ni Opo Empung!