Ibrani 2:4 - Taaz Weru Witu u Nunuwu'en Tombulu

⁴ Si Opo Empung kangkasii é nimenté' an tinalinga wo an ipahkua néra itii, karia niméhé ung kawasa-Na wia ni séra i mahwangun sé tou mengusi-ngusingsing wo a makakompo'en wo an tatambér ni Roh Lenas, a méiwéhé-Na mengiit ung kapaaz-Na.

Ibrani 2:4 Iomraidhean Croise

Markus 16:20

Tumondong niitu, sé pahtuzu'en ni Yesus mangé wana péléng a saruan i mahwoka' wia sé tou u Nuwu' Lé'os tumoro si Yesus. Karegas niitu, si Mahpiara é mahpaayang karia néra mahwangun a makakompo'en i menté' u Nuwu' Lé'os itii.

Markus 6:14

Si kolano Herodes kasii én timalingamola an tumoro si Yesus, pahpaan u ngaran ni Yesus én ipahkua-kuamo wo wéwéhan sé mahkua, “Si Yohanes Menanarani é méitoumomé sumaup im wia sé nimaté, niitumo ni Sia ém wéwéhan kawasa i mahwangun a makakompo'en.”

Yohanes 15:26

Ni Aku é matumé wia ni kamu si Menunulung si wia si Ama' a méyé. Ni Siamo si Roh Kaulitan, si mémapailek ung kaulitan tumoro si Opo Empung. Sa ni Sia méyé, ni Sia é mékumua ang kata'uan-Na tumoro ni Aku.

Yohanes 4:48

Kuan ni Yesus wia ni sia, “Sa kamu zéi'kan nimilek a makakompo'en, ni kamu én zéi'kan ma'éman.”

Kisah Rasul-rasul 14:3

Niitumo, si Paulus wo si Barnabas én urékan oki' i nimahento'mé witu. Wo karia im wuaya ni séra mahnuwu' tumoro si Yesus Mahpiara. Ni Sia nimapailek sa an ipahnuwu' néra tumoro ung kamang tatambér-Na én ulit, karia i niméhé ung kawasa wia ni séra i mahwangun a makakompo'en wo an zéi'kan kakuaan.

Kisah Rasul-rasul 4:10

ni kamu wo péléng sé tou Israel é léwo'zéi' i mata'ula, i si tou lailai makarendai witu u sinaru niou kenu é nimalé'osa karia ung kawasa u ngaran ni Yesus Kristus, si tou Nazaret si sinalip niouola itii taan méitoumomé sumaup ni Opo Empung im wia sé nimaté.

Kisah Rasul-rasul 5:32

Ni kaimo sé mapata'u um pina'ilek nai tumoro a nimamuali itii, ni kai wo si Roh Lenas si méitambéré ni Opo Empung wia péléng sé tou sé mahtali-talinga ni Sia.”

Efesus 1:5

Rengan im puuna, ni Sia é rumaraaté ni kita wo niméléngo ni kita i maéndo oki'-Na mengiité si Yesus Kristus, niitumo ung kapaaz-Na wo u mahwangun ni Sia mahpaa-paaz.

Efesus 1:9

Si Opo Empung nimapata'umo ung ginenang-Na u méikawunipé' wia ni kita. Ung ginenang-Na rengané im puuna mengiit um paaz-Na én tinotoz-Na i lekepen mengiité si Kristus.

Efesus 4:7

Taan im wia ni kita si esa wo si esa é makailek ung kamang tatambér mengiit um paaz ni Kristus.

Ibrani 6:4

Pahpaan sé tou nima'émanomé wo nimé'annomé ung kamang ni Opo Empung wo sé nimakaileko ung kawasa ni Roh Lenas taan soomo ma'éman, ni séra én zéi'kan mamuali im werun sumaup.