Ibrani 2:3 - Taaz Weru Witu u Nunuwu'en Tombulu

³ kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 2:3 Iomraidhean Croise

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Matius 4:17

Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”

Markus 1:14

I si Yohanes tinionanoma, si Yesus mangé witi Galilea a mahkua u Nuwu' Lé'os ni Opo Empung,

Lukas 1:2

Am pinantik néra itii é masuat wo a méisirita wia ni kita, né tou sé rengané ing kataré-taré nimilek karia am weren néra a nimamuali itii wo mahtuzu' u Nuwu' ni Opo Empung.

Lukas 1:69

Ni kita ém winéhan-Namomé si wéwéhan ung kawasa i miloté ni kita im witu un ukuman wana a singkéla'. Ni Sia é suzu ni Daud ata-Na.

Lukas 24:19

Ang kuan-Na wia ni séra, “Apa itu wé?” Am wingkoten nérala, “U nimamuali wia si Yesus tou Nazaret. Ni Sia é nabi, si mawuta-wuta ung kawasa im wana am pahpaayangen wo am pahnuwu'en-Na witu u sinaru ni Opo Empung wo wia péléng sé tou.

Yohanes 15:27

Taan ni kamu kangkasii é léwo'zéi' ing kumua a niilek niou tumoro ni Aku, pahpaan ni kamu é nimemali-malimola karia-Ku rengané ing kataré-taré.”

Kisah Rasul-rasul 1:22

rengané ni Sia i sinarani ni Yohanes Menanarani makaz ni Sia i nimawénéta nimangé witi kasendukan timula'uma ni kita. Si tou itii é maéndo kakariata i makumua am pina'ilekta i si Yesus é mémoitoumé sumaup ni Opo Empung.”

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.

Kisah Rasul-rasul 4:12

Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

Roma 2:3

Wo ni ko, si tou mapahsasala' sé tou walina, taan ni ko in esa é memangu-mangun a léwo'an tanu am pahwangunen néra, kaa ko é mahgenangla sa ko én ikapiloté im wana an ukuman ni Opo Empung?

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

1 Tesalonika 5:3

Wéwéhan un orasna sé tou ing kumua in téntii, ‘Ung katou-touanta én ena' wo zéi'kan siapa ikaindé'.’ Taan kumompo'mé ni séra é mendan u meléwo' tanumokan si wéwéné mahawa-awak, si kumompo'mé é mahpendano u rumara in tumoumo si oki'na. Zozo' in esa zéi'kan siapa si tinalez.

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

Titus 2:11

Pahpaan si Opo Empung é nimapailekoma ung kamang méitambér-Na i nimilot péléng sé tou im witu un ukuman wana a singkéla'.

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Ibrani 1:2

Taan in tarékan, im wana an endo kaakazan ung kaayahan kenu, ni Sia é nimuwu' wia ni kita mengiité si Oki'-Na, si tinotozo i maéndo makaanu péléng am péléng. Mengiité si Oki'-Na, si Opo Empung nimangun péléng am péléng.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 4:1

Zozo' un taaz ni Opo Empung i muntep witi tampa makanaan-Na én zéi'kampé' méikana', taan mile-ilek wo tia' im wia ni kamu ém wéwéhan si pahgenangela in ikatula'u wo zéi'kan mata'u muntep witi tampa makanaan itii.

Ibrani 4:11

Niitumo, tawimo kita mahtututu'la i muntep witi tampa pahkanaan itii, wo zéi'kan siapa zozo' in esa si zéi'kan méikauntep witi tampa pahkanaan itii pahpaan mahkiit uman am pahwangunen né tou zéi'kan mahtali-talinga si Opo Empung.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

Yudas 1:17

Taan ni kamu katuari-katuari ikararaatéku, gena-genangen a mémoipahkuama né aatu ni Yesus Kristus, Mahpiarata, im puuna.

Wahyu 7:10

Karia i rimez ni séra mahkua in téntii, “Si toro milot ni kita im witu un ukuman wana a singkéla' én akaz uman si Opo Empungta si rimumez witu u rurumezan-Na ing Kolano wo si Anak ni Domba.”