Ibrani 2:2 - Taaz Weru Witu u Nunuwu'en Tombulu

² Pahpaan sa a Nuwu' ni Opo Empung an im puuna méikuamo mengiité sé malaekat wia si Musa, wo um wia si Musa an ikuana wia sé tou Israel én totoz ulit, wo sé tou zéi'kan mahkii-kiit wo sé zéi'kan mahtali-talinga é nimakaileko un ukuman mengiit um pinahwangunnamé,

Ibrani 2:2 Iomraidhean Croise

Kisah Rasul-rasul 7:53

Ni kamu é nimakaileko un ukum Torat u méikua né malaekat, taan niitu én zéi'kan pahkiiten niou.”

Galatia 3:19

Sa téntu, apa wé un torona un ukum Torat i méiwéhémé? Un ukum Torat é méiawes i mapata'u wia sé tou a singkéla' pahmualin néra. Un ukum Torat itii ém pahpakén akaz uman i méyé si suzu ni Abraham si méikua witu un taaz ni Opo Empung wia si Abraham. Un ukum Torat itii é méikua né malaekat mengiité si Musa wia sé tou Israel.

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

Ibrani 10:28

Sa wéwéhan si soo mangun un ukum ni Musa wo wéwéhan sé tou zua kaapa telu kimua a niilek néra tumoro a sinala' ni tou itii im witu un ukum ni Musa, si tou itii én ukumen im wunu'en, zéi'kan siapa ampungan.

Ibrani 10:35

Niitumo, tia'mo ipahtutula'u um pa'émanen niou pahpaan um wawaérna én totoz wangko'.

Ibrani 11:26

Witu ung genang ni Musa, tawimo sia séro'an pahpaan si Kristus, taan makailek péléng a sangkum witi Mesir. Pahpaan pahéré'ennala um wawaér iwéhémé ni Opo Empung wia ni sia é lumouspé'mé a sangkum witi Mesir.

Ibrani 11:6

Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

2 Petrus 1:19

Niitumo u nimangun ni kai totoz enté' i ma'éman witu u nuwu' méipahwoka'ma né nabi im puuna. A méipahtuzu'ma né nabi itii é léwo'zéi' im pahwéhan nioula genang tanu ni kamu i mahilek u solo mahsena' witu u rimbengbeng makaz si endo i sumerité wo si kaendoan i sumena' witu un até niou.

Yudas 1:5

Zozo' ni kamu én totozo mata'u niana péléng, taan ipapagenangkuma wia ni kamu i si Opo Empung im puuna é nimiloté sé tou-Na im witi tana' Mesir. Taan tumondong niitu im wia sé tou Israel sé zéi'kan ma'éman én zéi'kan méiwaya-Na i menou-nou.