Ibrani 2:18 - Taaz Weru Witu u Nunuwu'en Tombulu

¹⁸ Pahpaan ni Sia in esa é nimazézéhamo i ni Sia pema'wa'en, niitumo ni Sia é makawawa in tumulung ni séra sé wana am pema'wa'en.

Ibrani 2:18 Iomraidhean Croise

Lukas 22:28

Ni kamu sekezé é memali-mali karia-Ku im wana am pema'wa'en am pengaling-Ku.

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Yohanes 10:29

Si Ama'-Ku, si niméhémé ni séra wia ni Aku, ung kawasa-Na é lumousé péléng am péléng. Wo zozo' in esa én zéi'kan siapa si toro kumahat ni séra im witu u lengen ni Ama'.

1 Korintus 10:13

Ni kamu ém pahwa'wa'en karia am pema'wa'en ang kinanaram im pahpendanen né tou, un toro pengalin niou. Pahpaan si Opo Empung zéi'kan maliuz wana a méitaaz-Na, niitumo zéi'kan iwaya-Na ni kamu im pema'wa'en karia am pema'wa'en an zéi'kan kawawaan niou. Sekez kamu i mahsaru am pema'wa'en, si Opo Empung é méhé lalan wia ni kamu makaz ni kamu makawawa i mahsaru am pema'wa'en itii.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

Ibrani 5:2

Ni sia é makawawa karia in eluz uman in tumatér sé tou, sé zéi'kan siapa kata'uan wo méikalulu, pahpaan ni sia kangkasii én tou uman si lakez an zéi'kan enté'.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.