Ibrani 2:1 - Taaz Weru Witu u Nunuwu'en Tombulu

¹ Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

Ibrani 2:1 Iomraidhean Croise

Matius 16:9

Zéi'kampé' kasii katulapan niou wé? Zéi'mo kagenangan nioula u roti lima méiwéhé wia sé limana riwu tou wo pirana lo'lo' a nimateza rinéwok nioula?

Markus 8:18

Ni kamu ém wéwéhan weren, kaa kamu zéi'kan makailek wo ni kamu ém wéwéhan lunteng, kaa kamu zéi'kan makatalinga? Kinaliuzan niouo wé,

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Lukas 9:44

“Talinga nioua wo totoz wéhanla genang un ikua-Kuma kenu, ‘Si Oki' ni Tou é maiayo witu ung kawasa né tou.’ ”

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Ibrani 12:5

Kinaliuzan niouo wé a sésésa ni Opo Empung i menté' un até niou in oki'-Na? Kuan-Na, “É oki'-Ku, pahwéhanla genang lumé'o-lé'os sa si Opo Empung mapagenang ang kasumalaan niou, wo tia' un até niou rumara sa kamu pahkakoro'an-Na.

2 Petrus 1:15

Niitumo ni aku én totoz mahtututu' wo niana péléng pegena-genang niou, zozo' ni aku zéi'mo wia ung kaayahan kenu.

2 Petrus 3:1

Katuari-katuari ikararaatéku, um pinantikku kenu ém pinantik kazua u méiwéhé wia ni kamu. Im witu un zua pinantik kenu, ni aku é nimahtututu' i mapagenang wia ni kamu wo ang genang niou ém weresi.