Ibrani 13:9 - Taaz Weru Witu u Nunuwu'en Tombulu

⁹ Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Ibrani 13:9 Iomraidhean Croise

Matius 24:24

Pahpaan sé zéi'kan uli-ulit Mesias wo sé zéi'kan uli-ulit nabi é méyé wo ni séra é mangun a makakompo'en zéi'mo kakuaan, wo sa toro, ni séra kasii é lumulu sé tou pinéléngo ni Opo Empung.

Matius 24:4

Ang kuan ni Yesus wia ni séra, “Tuméga-tégam én taa ni kamu ilulu né tou.

Lukas 5:38

Un anggor weru é léwo'zéi' itahu' witu um pahtahu'an anggor werupé'.

Kisah Rasul-rasul 20:30

Lumousé niitu, im wia ni kamu ém wéwéhan sé woopira tou sé mahtuzu' an tutuzu' zéi'kan ulit. Ni séra é mahtututu' i mahlululu sé tou ma'émano ing kumiit ni séra.

Kisah Rasul-rasul 20:32

In tarékan, ni kamu én iayoku wia si Mahpiara in tatéren-Na wo ni kamu zéi'kan mazéi' i ma'éman witu u Nuwu' méitambér-Namé. Ni Sia é mahkawasa i mahenté' um pa'émanen niou wo mahtambéré ung kamang u niimek-Namo in iwéhé wia péléng sé tou linenas-Namo.

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Roma 14:2

Pahpaan wéwéhan sé katuari totozo enté' um pa'émanen néra wo witu ung genang néra i ni séra én toro kuman péléng ang kakanen. Taan sé tou zéi'kampé' totoz enté' um pa'émanen néra mahgenangla sa ni séra én toro uman kuman a séndé'en.

Roma 14:6

Si tou mahsanapa' un endo esa, ni sia é nimangun niitu i sumigi' si Mahpiara. Séi si mahkan apa uman un toro kanen, ni sia é nimangun niitu i sumigi' si Mahpiara, pahpaan ni sia éng kimua u makasé wia si Opo Empung. Wo si zéi'kan mahkan am wayaan uman, ni sia kangkasii é nimangun niitu i sumigi' si Opo Empung, pahpaan ni sia kangkasii éng kimua u makasé wia si Opo Empung.

1 Korintus 6:13

Wéwéhan sé mahkua kasii, “Ung kakanen wéwéhan torona witu um poot wo um poot wéwéhan torona pahpaan ung kakanen.” Taan si Opo Empung é luméwo' ung kakanen wo um poot. Ni kamu én tia' mahwangun un tou niou i mahsamek, taan wangunela un tou niou i mahwangun uman ang kapaaz ni Opo Empung, pahpaan si Opo Empung si makaanu un toumu.

1 Korintus 8:8

Ang kakanen én zéi'kan mahwangun ni kita ing kalelezna wia si Opo Empung. Ni kita ing kiman ang kakanen mémoiragés wia sé opo-opo, zéi'kan siapa u méikaawesé wia ni kita. Tentu kangkasii ni kita in zéi'kan kiman ang kakanen mémoiragés wia sé opo-opo, zéi'kan siapa u nimaina'mé wia ni kita.

2 Korintus 1:21

Si Opo Empung si nimenté' ni kai, wo ni kamu uli-ulit mahkiit si Yesus Kristus. Ni Sia kasii si niméléng ni kai i maayang wia ni Sia.

Galatia 6:1

Katuari-katuari, sa im wia ni kamu ém wéwéhan sé kinata'uan i mahmuali u singkéla', ni kamu sé mahkiit um paaz ni Roh Lenas é léwo'zéi' mahkit si tou itii witu u lalan kaulitan. Wangunela niitu karia in eluz uman wo mile-ilek én taa un toumu in esa ikakiit i mahsingkéla' tanu si tou itii.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

Kolose 2:4

Niia é méipapata'ukuma, wo zéi'kan siapa im wia ni kamu si toro towoan né tou walina pahpaan a nuwu' eenou néra.

2 Tesalonika 2:17

menté' un até niou wo mangun ni kamu makawawa im wana péléng am paayangen wo wana a nunuwu'en wangun.

2 Tesalonika 2:2

Tia' kamu rewek malinganga wo paharétan in tumalingala sé tou i mahkua un endo si Yesus i méyé sumaup é méikaayomola, zozo' u nuwu' itii ém woo méipapata'umé ni Roh Lenas, kaapa niitu én tutuzu' uman, kaapa wéwéhan sé mahkua niitu é méipantik witu un esaané im wana am pinantik nai.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.