Ibrani 13:8 - Taaz Weru Witu u Nunuwu'en Tombulu

⁸ Si Yesus Kristus én zéi'kan nimahwali-walinala, rengané im puuna, in tarékan makaz ing kauré-uré.

Ibrani 13:8 Iomraidhean Croise

2 Korintus 1:19

Pahpaan, si Yesus Kristus, si Oki' ni Opo Empung si méipahwoka'ku karia ni Silwanus wo ni Timotius wia ni kamu én zéi'kan mahkua ‘éné’ wo witu ung ginenang én ‘zéi'kan’. Taan im wia ni Sia én akaz uman mahkua ‘éné’.

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

Ibrani 1:12

ni Ko é mangun ni séra malepet tanu ang karai tonton, wo tanu ang karai, ni séra é masawelan, taan ni Ko in esa én téntukan wo an ta'un ni Ko i menou-nou én zéi'kan maapu.”

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

Yudas 1:25

Si Opo Empung si esa uman, si nimiloté ni kita im witu un ukuman wana a singkéla', mengiité si Yesus Kristus Mahpiarata. Wia ni Sia uman u sigi' wo looz, ung kawangko'an, ung kaketezan wo ung kawasa um wiamo rengané im puuna, in tarékan wo makaz ing kauré-uré. Amin.

Wahyu 1:11

Un zanina én téntii, “Ipakapantikla witu ung kitap péléng an ipapailek-Ku wia ni ko wo iwéhéma wia sé pitu jamaat sé witi: Efesus, Smirna, Pergamus, Tiatira, Sardis, Filadelfia wo sé witi Laodikia.”

Wahyu 1:4

Um pinantik kenu ém wia ni aku Yohanes a mangé, iwéhé wia ni kamu sé pitu jamaat witi Asia. Mengalé-ngaléi uman ung kamang tatambér wo ung kaluasan witu un até é menaté-natér ni kamu. Ung kamang tatambér wo ung kaluasan witu un até ém wia si Opo Empung, si wiamo rengan im puuna, in tarékan wo in tumondong, wo um wia sé pitu roh sé makasaru u rurumezan-Na ing Kolano,

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”