Ibrani 13:5 - Taaz Weru Witu u Nunuwu'en Tombulu

⁵ Tia' megena-genang uman an zoit wo mahpaa-paazola karia un apa uman um wiamo ni kamu. Pahpaan si Opo Empung éng kimua téntii, “Ni ko én zéi'kan iwaya-Ku wo ni ko én zéi'kan kawisa itula'u-Ku.”

Ibrani 13:5 Iomraidhean Croise

Matius 6:19

Kuano kasii ni Yesus, “Tia' kamu mahréwok uman a sangkum niou wia ung kaayahan, pahpaan im wia ung kaayahan sé meniksik wo an ta'ingkéré' é luméwo' niana, téntu kangkasii sé maremu' én toro rumemu' niana.

Matius 6:25

“Niitumo ikua-Kuma wia ni kamu: Tia'mo ikaarét ung katou-touan niou, tumoro ung kanen kaapa un elepen niou wo tia' kangkasii ikaarét un awak niou, tumoro ang karaien niou. Zéi'kankuaa ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai?

Matius 6:34

Pahpaano niitu, tia'mo ikaarét niou tumoro u mamuali i sando, pahpaan i sando ém wéwéhan ung kasusaana in esa. Ung kasusaan in endo kenu én tia'mo pengawe-ngawesen.”

Markus 7:22

a samek, an angkum, a léwo', a siga menowo, a lelo léwo' un awak, téutéu, a mahtawuruk, am wera' wo ang kimawal.

Lukas 3:14

Sé suraro kasii é niméyé a meligau wia ni sia, “Wo ni kai, apa u léwo'zéi' im wangunen nai?” A séra wingkotenala, “Tia' mahkahat wo tia' mahkua a léwo'an né tou walina i mahééndo an zoit né tou itii. Pira uman u méiwaéré wia ni ko genangenola i niitu én toromo.”

Lukas 8:14

A méikagogo witu un tana' tinouan an zukut menulah, ung kalakoana é sé tou timalingama u Nuwu' ni Opo Empung, taan ni séra é maarét tumoro ung katou-touan néra, paaz mawa'ilan wo mahkiit uman a lelo wia ung kaayahan, taka-takazan zéi'kan nimaririhan.

Roma 1:29

Ang genang néra é mawuta-wuta an totoz léwo', an zéi'kan wangun, ang kaangkuman wo ang kawuulan, téutéu, mahwunu' sé kasuat tou, mahéndo-éndoan, an tantowo, ang genang léwo' wo mahsirita an zéi'kan wangun tumoro sé tou walina.

1 Korintus 5:11

Ung kalakoan a méikuaku itii én tia' mahkari-karia sé tou mahkua ing katuari esa pa'émanen, taan ni sia é mahsamek, kaapa ni sia én angkum, kaapa mahsigi' sé opo-opo, kaapa mahtawuruk sé tou walina, kaapa matetewelen, kaapa tantowo. Maan i mahkan mahwali-wali karia néra én tia'.

1 Korintus 6:10

sé maremu', sé angkum, sé matetewelen, sé mahtawuruk sé tou walina wo sé towo, péléng sé tou memangu-mangun tanu niana én zéi'kan muntep witi Kakolanoan ni Opo Empung.

2 Korintus 4:9

Ni kai ém pahzézéhan, taan ni kai én zéi'kan méiwaya ni Opo Empung. Ni kai ém pahwélwélen makaz im pahkakolo' taan ni kai én zéi'kan nimaté.

Efesus 5:3

Taan a samek wo a memua-muali a sinéro' im pahmualin né zéi'kampé' kimawéng, kaapa a malo'it, zozo' niitu in inuwu' uman én tia' im wia ni kamu. An téntu é sinéro' in ipahkua né tou linenas ni Opo Empung.

Efesus 5:5

Pahpaan, totoz im pahwéhanla genang ang kenu: Sé tou samek, sé memua-muali a sinéro' im pahmualin né zéi'kampé' kimawéng, kaapa malo'it, ni séra é masuatokan i mahongkot wia sé opo-opo, sé tou téntu én zéi'kan siapa si maéndo tou ni Kristus wo tou witi Kakolanoan ni Opo Empung.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

1 Timutius 3:3

zéi'kan matetewelen, zéi'kan uupi'en taan lé'os uman, paaz mahwangun sé tou malé'osan wo zéi'kan megena-genang uman an zoit.

2 Petrus 2:14

Sa mileka si wéwéné, méyé um paaz witu ung genang néra i sumamek karia ni wéwéné itii wo ni séra én zéi'kan maseso' i memua-muali a singkéla'. Sé tou zéi'kampé' tahlous ma'éman wia si Yesus ém pahenouen néra wo séra ikalulu. Ni séra é nimanaramo i menou-nou mahkiit ung kaangkuman néra. Ni séra é makailek un epa' ni Opo Empung.

2 Petrus 2:3

Pahpaan ung kaangkuman né méster towo itii, ni séra é mahtututu' i menéro zoit lakez wia ni kamu karia i mahsirita a sirita winangun néra uman. Taan pahpaan am pahwangunen néra itii, un ukuman wia ni séra én urémo niimek wo un endo si Opo Empung i luméwo' ni séra én zéi'mo isoro'.

Yudas 1:11

Ikaléwo'la séra pahpaan ni séra éng kimiit um pinahmualimé ni Kain wo ni séra éng kimiit si Bileam si nimahlulumé sé tou pahpaan im pahwaéran. Ni séra kasii én ikaléwo' pahpaan mahsaru si Opo Empung tanu si Korah.