Ibrani 13:3 - Taaz Weru Witu u Nunuwu'en Tombulu

³ Pahgenangela sé tou witi bui tanumokan ni kamu ém binui karia néra. Pahgenangen kasiila sé tou pahzézéhan tanumokan ni kamu ém pahzézéhan tanu ni séra.

Ibrani 13:3 Iomraidhean Croise

Matius 25:36

I ni Aku zéi'kan kimarai, ni Aku winéhan nioula karaien. I ni Aku saki, ni Aku é maniilek nioué. I ni Aku méiuntep witu um bui, ni Aku é maniilek nioué.’

Matius 25:43

I ni Aku tou limepuh umané, ni Aku én zéi'kan sinungkul niou witi walé niou, i ni Aku zéi'kan kimarai, ni Aku én zéi'kan winéhan nioula karai. I ni Aku saki wo i méiuntep bui, ni Aku én zéi'kan maniilek nioué.’

Kisah Rasul-rasul 24:23

An iatuma ni gubernur si tonaas né sana atus suraro in zéi'kan toro milot si Paulus, taan ikenus umana. Wo kasii zéi'kan toro mahséro' sé kakaria ni Paulus i mengangalimé am pemandungenna.

Kisah Rasul-rasul 27:3

Masandomé, kai timulima witi Sidon. Si Yulius én totoz lé'os im wia si Paulus wo ni sia é niénéala ni Yulius i mangé mahilekan karia né kakariana wo séra toro méhémé am pemandungen ni Paulus.

Roma 12:15

Mahpaa-paazola karia né tou mahpaa-paaz wo mamé'mola karia né tou mahamé'.

1 Korintus 12:26

Niitumo, sa un esa witu un awakta é mahpendan zéha, péléng am witu un awakta én zézéha. Sa un esa witu un awakta pahloozen, péléng am witu un awakta é mahpaa-paaz.

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Kolose 4:18

Ni aku Paulus kasii é mapaayoma u sigi wia ni kamu. U sigi' kenu ém pinantikku in esa. Gena-genangen, ni aku é rinantépé' im wia um bui! Mengalé-ngaléi uman ung kamang tatambér ni Opo Empung menaté-natér ni kamu.

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 11:37

Im wia ni séra kasii ém wéwéhan sé winerit karia am watu makaz nimaté, sé sinoyou pinahzua wo winunu' karia um pisou. Wéwéhan kasii sé tou ung katou-touan néra éng karaaténokané, ni séra ém wayaan uman kaangéan kimarai uman ung kulit ni domba wo ung kulit ni kambing, zéi'kan siapa apa, pahwangunan né tou léwo' kiit um paaz néra makaz i nimasusa wo pahzézéhan.

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.