Ibrani 13:14 - Taaz Weru Witu u Nunuwu'en Tombulu

¹⁴ Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 13:14 Iomraidhean Croise

1 Korintus 7:29

Katuari-katuari! Ung kalakoan u méikuakuma itii én téntii: un endo kaakazan ung kaayahan én zéi'mo uré. Niitumo puunala niitu mamuali, si tuama wéwéhano mahayo wangunenola in tanu ni sia zéi'kampé' siapa mahayo.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

Efesus 2:19

Niitumo, ni kamu én zéi'mo tou wana an tampa walina a méyé wo limepuh umané. Taan ni kamu in tarékan é nimaéndomo tou ni Opo Empung wo nimaéndomo sana awu ni Opo Empung.

Filipi 3:20

Ni kita é méikarékéno in tou ni Opo Empung si witi kasendukan. Karia in téntu, in tarékan ni kita é ma'ento' si Yesus Kristus i mawurimé sumaup im witi kasendukan, ni Sia si nimiloto ni kita im witu un ukuman wana a singkéla'.

Ibrani 10:34

Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 12:22

Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Ibrani 12:27

Ung kukuan “Makasapé',” ung kalakoana péléng am winangun ni Opo Empung wia ung kaayahan én iéhzo' wo kemun, taan an zéi'kan nyéhzo' én ikatula'u.

Ibrani 2:5

Sé malaekat én zéi'kan makailek ung kawasa ni Opo Empung i merénta ung kaayahan weru u mawia in tumondong um wangunen ni Opo Empung, um pahkuantala kenu.

Ibrani 4:9

Niitumo, wia sé tou ni Opo Empung ém wéwéhampé' u sana endo méiwéhé ni Opo Empung ing kumana' tanu ni Sia ing kimana' witu un endo kapitu.

Ibrani 9:11

In tarékan si Kristus é niméyémo im Walian Wangko' si mahalimé péléng am wangun a méitaaz ni Opo Empung wia ni kita. Si Kristus im Walian Wangko' é mahpaayango witi Ténda ni Opo Empung un totoz wangko' wo zéi'kan siapa pahséro'an. Un Ténda itii én zéi'kan winangun né tou; ung kalakoana én zéi'kan wia ung kaayahan um winangun uman kenu a méyé.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.