Ibrani 13:13 - Taaz Weru Witu u Nunuwu'en Tombulu

¹³ Pahpaan si Yesus é nimazézéha witi ondolé u Yerusalem, niitumo méyémo kita mangé wia ni Sia witi ondolé un tampa rinendaian an ténda wo mendan an zézéha tanu um pinendan-Namé.

Ibrani 13:13 Iomraidhean Croise

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 27:32

I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus.

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Lukas 9:23

Ipahkua-Na wia ni séra péléng, “Séi si paaz ing kumiit ni Aku, ni sia én zéi'mo mahkiit ang kapaazna. Sekez in endo é léwo'zéi' i masaan u salipna wo mahkiit ni Aku.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

2 Korintus 12:10

Niitumo, ni aku é mahpaa-paaz zozo' un touku in zéi'kan enté', pahséro'an, wana ang kasusaan wo pahzézéhan, lakez am pengalin pahpaan mahkiit si Kristus. Pahpaan i ni aku zéi'kan enté', in toro niitumo ni aku nimaenté'.

Ibrani 11:26

Witu ung genang ni Musa, tawimo sia séro'an pahpaan si Kristus, taan makailek péléng a sangkum witi Mesir. Pahpaan pahéré'ennala um wawaér iwéhémé ni Opo Empung wia ni sia é lumouspé'mé a sangkum witi Mesir.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 12:3

Amoké genangen nioula ung kaezenan ni Yesus im pahzézéhan né tou mahsingkéla' sé mahsaru ni Sia. Karia i mahgenanga si Yesus, um pa'émanen niou nimaenté' wo zéi'kan mazéi' i mengalé-ngaléi.

Ibrani 12:4

Pahpaan ni kamu i mahtututu' mahsaru a singkéla', ni kamu én zéi'kampé' méikaayoma witu u nimazézéha akaz nimaté simaroi un zaha'.

1 Petrus 4:4

Niitumo, sé tou zéi'kan mata'u si Opo Empung é mengusi-ngusingsing i nimilekla ni kamu, pahpaan ni kamu én zéi'mo mahkii-kiit ni séra in zéi'kan kumana' mahmuali an zéi'kan wangun. Pahpaano niitu ni séra mahtawuruko ni kamu.