Ibrani 13:12 - Taaz Weru Witu u Nunuwu'en Tombulu

¹² Tanu sé tatamun ém pahtunun witi ondol tampa rinendaian né tou Israel an ténda, si Yesus kangkasii é nimazézéha witi ondolé u Yerusalem i lumenas sé tou-Na karia un zaha'-Na in esa.

Ibrani 13:12 Iomraidhean Croise

Lukas 4:29

A séra rumendaié a moho si Yesus i mondola witu um wanua tua'na. Um wanua tua'na itii ém witi kentur. Am pahwali nérama Sia witi ri'ping ung kentur, wo Sia toro ilombo' néra witu.

Yohanes 17:19

Ni Aku nimayo un tou-Ku i maéndo anu ni Ama' uman pahpaan sé pahtuzu'eng-Ku, wo séra mayo un tou néra wia si Ama' mengiité ung kaulitan u nuwu' ni Ama'.

Yohanes 19:34

Taan si esaané im wia sé suraro itii nimetuma um wentuhan ni Yesus karia un wengkou a rengan sumaroié un zaha' wo un zano.

Kisah Rasul-rasul 7:58

Ni sia éng kinéhong néramé an iondolé im witi wanua tua'na am weriten néra karia am watu. Sé tou nimilek niitu é nimukala ang karai tonton néra an izeta'la witu u sinaru ni tarétumou makangaran Saulus.

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

Ibrani 10:10

Pahpaan un ikapaaz ni Opo Empung itiimo, ni kita maéndo tou linenas-Na, i si Yesus Kristus nimayo un tou-Na makasa uman makaz ing kauré-uré i meresi a singkéla' né tou.

Ibrani 10:29

Tantumo lumouspé'mé ung kawutezna un ukuman wia si tou mahséro' wia si Oki' ni Opo Empung wo mahgenangla un zaha' ni Yesus Kristus u lumenas sé tou én zéi'kan siapa torona wo mahséro' wia si Roh si mahtambéré ang kamang.

Ibrani 2:11

Si Yesus si limenas sé tou ma'éman wo ni séra sé linenas-Na ém péléng wia si Esa Ama' a méyé, ni Siamo si Opo Empung. Niitumo, si Yesus én zéi'kan maizang i mahkua ni séra ing katuari-Na.

Wahyu 14:20

Am wua'na an anggor itii ém pahpesuten witi ondol um wanua tua'na. Im witu um pahpesutan itii mahso'so'mé un zaha', ung karakékna é nimakaz witu u semuz ni kawalo wo kazou'na um pahso'so'ana én teluna atus kilometer.