Ibrani 13:1 - Taaz Weru Witu u Nunuwu'en Tombulu

¹ Katuari-katuari, tia'mo kumana' i mahraa-raatéan si esa wo si esa.

Ibrani 13:1 Iomraidhean Croise

Yohanes 15:17

Ung kenumo um perénta-Ku wia ni kamu: Mahraa-raatéanla si esa im wia sé walina.”

Kisah Rasul-rasul 2:1

Im witu un endo wangko' Pentakosta, péléng sé tou ma'éman wia si Yesus é nimaréwok witu um walé.

Kisah Rasul-rasul 4:32

Péléng sé tou ma'éman én esa genang wo nimaesaan, wo zéi'kan siapa zozo' in esa si mahkua im péléng an anuna én anuna in esa, taan péléng an anuna én anu néra péléng.

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Efesus 4:3

Mahtututu'la i menou-nou i mahesa-esaan pahpaan si Roh ni Opo Empung si nimangun ni kita nimaesaan wo menou-noula in zéi'kan siapa ikaarét.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

Ibrani 10:24

Méyémo kita mahwéha-wéhan genang wia si esa wo si esa, wo kita toro mahsawa-sawangan i rumaraaté sé kasuat tou wo mahwangun a lé'os.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 2:17

Pahsigi'ela péléng sé tou, iraraatéla sé katuari esa pa'émanen. Ipapailekla i ni kamu é maindé' wia si Opo Empung wo pahsigi'ela si kolano.

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

1 Petrus 4:8

Taan un totoz ipahpuu-puuna én uli-ulit i mahraa-raatéan, pahpaan sa kita mahraa-raatéan, ni kita én zéi'mo megenang-genang a siningkéla' né tou.

2 Petrus 1:7

Wo witu u mahkiit ang kapaaz ni Opo Empung ém pahawesala karia u rumaraaté sé katuari esa pa'émanen, wo u rumaraaté sé katuari esa pa'émanen ém pahawesala karia u rumaraaté péléng sé tou.

1 Yohanes 3:23

Kenumo am perénta-Na: Ni kita é léwo'zéi' i ma'éman u ngaran ni Yesus Kristus, si Oki'-Na, wo ni kita léwo'zéi' i mahraa-raatéan mengiit um perénta méiwéhé ni Kristus wia ni kita.

1 Yohanes 4:20

Sa si tou mahkua, “Ni aku é rumaraaté si Opo Empung,” taan ni sia é mazi'zis si katuarina esa pa'émanen, ni sia én tantowo. Pahpaan séi si mazi'zis si katuarina si pahilekennala, zéi'kan mamuali sia i rumaraaté si Opo Empung, si zéi'kan pahilekennala.

Wahyu 2:4

Taan zozo' in téntu, wéwéhan ung kasoo-Ku wia ni kamu. Pahpaan, u raraatéan niou én zéi'mo tanu u raraatéan niou im puuna in taré ma'émanla wia ni Aku.