Ibrani 12:3 - Taaz Weru Witu u Nunuwu'en Tombulu

³ Amoké genangen nioula ung kaezenan ni Yesus im pahzézéhan né tou mahsingkéla' sé mahsaru ni Sia. Karia i mahgenanga si Yesus, um pa'émanen niou nimaenté' wo zéi'kan mazéi' i mengalé-ngaléi.

Ibrani 12:3 Iomraidhean Croise

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Matius 12:24

Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”

Matius 15:2

“Kaa sé pahtuzu'en-Nu zéi'kan mahkiit ang kinanaram né nimaopota? Ni séra én zéi'kan zimano ang kuman.”

Matius 21:23

A si Yesus muntepa witi lésaz um Walé ni Opo Empung. Karegas Sia mahtuzu' im witu, a méyé sé tonaas né walian wo sé pahtutu'an né tou Yahudi. Ni séra meligau wia ni Sia, “Wisa a méyé ung kawasa wia ni Ko i mahwangun péléng niitu? Séi si niméhé ung kawasa itii wia ni Ko?”

Matius 21:46

Niitumo, ni Sia ém pahtututu'en néramo im pahtitionan, taan ni séra é maindé' sé tou lakez, pahpaan si Yesus ém pahgenangela né tou lakez i nabi.

Matius 22:15

A sé sana réwok tou Farisi mangé i mameruz kura i mahwewetes si Yesus karia u liligau.

Lukas 14:1

In endo Sabat, si Yesus kinua ni esaané wia sé tonaas né sana réwok tou Farisi ing kuman witi waléna. Péléng sé tou witu én totoz mena'u-na'u péléng am pahwangunen ni Yesus.

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 16:14

I sé tou wia sé sana réwok tou Farisi sé megena-genang uman an zoit, tumalingamé péléng a méikuamé ni Yesus, a Sia ipahké'ké' néra.

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 5:21

Timalingamé niitu, sé sana réwok tou Farisi wo sé tou tulap un Torat mahgenang in téntii, “Séi kuaa ndéén si tou mahséro' wia si Opo Empung kenu wé? Séi si tou toro méhé un ampungan wana a singkéla' né tou sa zéi'kan si Opo Empung?”

Yohanes 10:20

“Ni Sia é sinelazan ni sétang wo pahléla'eno! Kaa kamu mahtalinga ni Sia?”

Yohanes 18:22

I ni Sia kimuama niitu, si esaané im wia sé menénéiz um Walé ni Opo Empung si rimendai witu, simepala ni Sia karia i mahkua, “Téntu um pakahwingkot-Mu wia si Walian Wangko'?”

Yohanes 5:16

Niitumo, sé tonaas né tou Yahudi mahtututu' in zumézéha si Yesus, pahpaan si tou itii liné'os-Na in endo Sabat.

Yohanes 7:12

Lakez sé tou mahkekewitan tumoro ni Sia. Wéwéhan sé mahkua: “Ni Sia én tou lé'os.” Wéwéhan kasii sé mahkua: “Zéi'kan, ni Sia é mahlululu uman sé tou lakez.”

Yohanes 8:13

Ang kuan né tou im wia sé sana réwok tou Farisi wia ni Sia, “Ni Ko uman si mahkua tumoro un tou-Mu in esa, um pahkua-Mumé én towo.”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Yohanes 9:40

A méikua-Nama itii én tinalingama né woopira im wia sé sana réwok tou Farisi sé witu, a séra meligau wia ni Sia, “Apa ni kai kangkasii é letok?”

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

2 Korintus 4:1

Pahpaan u raraatéan ni Opo Empung, ni kai én toro maéndo tou i maayang a méiatu-Na. Niitumo, makaz in tarékan ni kai én zéi'kan mazéi' i mahéré'.

2 Korintus 4:16

Niitumo, ni kai én zéi'kan mazéi' i mahéré'. Zozo' ung kaenté'an un awak nai kauréna ém pahkainaan, taan si roh nai sekez in endo ém pahwerun.

Galatia 6:9

Tia' maseso' i mahwangun a lé'os, pahpaan sa kita zéi'kan maseso' mahwangun niitu, i méikaayomola witu un oras tinotoz ni Opo Empung, ni Sia é méhé am wangun wia ni kita. Niitu é masuat wo si timanem i mupu' u méitanemna.

2 Tesalonika 3:13

Wo ni kamu katuari-katuari, tia' maseso' i mahwangun a lé'os.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

Ibrani 12:5

Kinaliuzan niouo wé a sésésa ni Opo Empung i menté' un até niou in oki'-Na? Kuan-Na, “É oki'-Ku, pahwéhanla genang lumé'o-lé'os sa si Opo Empung mapagenang ang kasumalaan niou, wo tia' un até niou rumara sa kamu pahkakoro'an-Na.

Ibrani 3:1

Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

1 Petrus 2:23

I ni Sia ipahsalou né tou, ni Sia én zéi'kan mahwingkot karia a sasalou. I ni Sia nimendan an zézéha, ni Sia én zéi'kan timaaz i maér, lumousé niitu un tou-Na é méiwéhé-Nala wia si Opo Empung, si zéi'kan mahsanaweka i mahtotoz ulit kaapa zéi'kan am pahwangunen né tou.

Wahyu 2:3

Ni kamu én ezen wo nimazézéha pahpaan ni Aku wo ni kamu én zéi'kan mahgenang u rawoi.