Ibrani 12:23 - Taaz Weru Witu u Nunuwu'en Tombulu

²³ Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Ibrani 12:23 Iomraidhean Croise

Lukas 10:20

Taan zozo'pé' in téntu, ni kamu én tia'mo mahpaa-paaz, pahpaan ing kinala niouola sé sétang. Taan tawimo ni kamu mahpaa-paaz, pahpaan a ngaran niou é mémoipantik witi kasendukan.”

Yohanes 5:27

Si Ama' é niméhé ung kawasa wia si Oki'-Na in tumotoz ulit kaapa zéi'kan am pahwangunen né tou pahpaan ni Sia én Oki' ni Tou.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

1 Korintus 13:12

In tarékan, zéi'kampé' tahlous katulapanta un tumoro si Opo Empung, niitu é masuat wo ni kita mahilek un touta witu u lélénoan kewur. Taan sa kita nimasaruano karia-Na taré totoz katulapanta un tumoro ni Sia. In tarékan péléng an tumoro ni Sia én zéi'kampé' tahlous kata'uangku, taan niitu én totoz makata'uangku, tanu ni Sia in totoz mata'u ni aku.

1 Korintus 15:49

In tarékan un awakta é masuat wo un awak ni tou kataré, tana' am wangunen. Taan un awakta é lamasuat wo un awak-Na si witi kasendukan a méyé.

1 Korintus 15:54

Niitumo, un awakta un toro maléwo' é mawalina makaz in zéi'mo maléwo', wo un awak toro maté é mawalina makaz in zéi'mo maté. Niitu un tumuzu'mé u méipantik witu um Pinantik Lenas é nimamualimo. Téntii u méipantik, “Si Opo Empung én ziméi'moma um patéan, kinala-Namoma um patéan.

2 Korintus 5:8

Taan un até nai én enté', wo ung kapaaz nai én tumula'uma un awak wia ung kaayahan kenu wo lamahwali-wali karia ni Mahpiara witi kasendukan.

Efesus 1:22

Péléng am péléng ém winanguno ni Opo Empung ing kawasan ni Kristus wo nimayo si Kristus wia sé jamaat i maéndo tonaas néra.

Filipi 4:3

Pahaléiengku kasii wia si Sunsugos, si kakariaku totoz mahtali-talinga: Pahsawangampé'la si Euodia wo si Sintikhe, wo sé wéwéné zua itii malé'osala. Pahpaan ni séra é simawango ni aku karia ni Klemens wo sé kapaayangku walina i mahwoka' u Nuwu' Lé'os. Pahpaan ni séra péléng é ma'émano wia si Yesus wo nimakaileko ung katou-touan makaz ing kauré-uré, niitumo a ngaran néra é méikapantiko witu ung kitap katou-touan.

Kolose 1:12

wo kumua u makasé karia i mahpaa-paaz wia si Ama', si nimangun ni kamu im wangun makailek am wéténg u niimek-Namo wia sé tou linenas-Na, witi kasendukan, un tampa sumena-sena'.

Kolose 1:24

In tarékan, ni aku é mahpaa-paaz i nimazéha pahpaan nimapata'u u Nuwu' Lé'os tumoro si Yesus wia ni kamu wo pahpaan mahpaayang wia si Kristus i lumekep un zéha-Na wia sé jamaat sé tanumokan un awak-Na.

1 Timutius 3:5

Pahpaan sa sia zéi'kan mata'u mahime-imek sé sana awuna karia im wangun, kura sia i mimek sé jamaat ni Opo Empung?

Ibrani 11:4

Pahpaan i ma'éman, si Habel niméhé u raragés wia si Opo Empung u lumouspé'mé ung kawangunan u méiragés ni Kain. Karia in téntu si Opo Empung kimua ni sia én ulit pahpaan u méiragésna én ikapaaz ni Opo Empung. Niitumo, zozo' nimatémoma taan ni sia én toro maéndo kékéréanta tumoro um pa'émanenna.

Ibrani 11:40

Pahpaan si Opo Empung éng gimenang u lumouspé'mé ung kawangunan niitu wia ni kita. Ung ginenang-Na, péléng a méitaaz-Na wia ni séra én zéi'kan malekep sa zéi'kan mahwali-wali kariata.

Ibrani 2:12

Si Yesus éng kimua, “Ama', u ngaran-Mu én iwoka'-Ku wia sé katuari-Ku, wo ni Ko é loozeng-Ku i ni Aku nimaréwok karia né jamaat.”

Ibrani 9:27

Niitu é masuat wo si Opo Empung timotozo si tou i makasa uman maté. Tumondong niitu, si Opo Empung én tumotoz am pahwangunen ni tou ulit kaapa zéi'kan.

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

1 Petrus 2:23

I ni Sia ipahsalou né tou, ni Sia én zéi'kan mahwingkot karia a sasalou. I ni Sia nimendan an zézéha, ni Sia én zéi'kan timaaz i maér, lumousé niitu un tou-Na é méiwéhé-Nala wia si Opo Empung, si zéi'kan mahsanaweka i mahtotoz ulit kaapa zéi'kan am pahwangunen né tou.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 14:4

Ni séra én tanumokan si tuama zéi'kampé' nimahteke-tekela karia ni wéwéné pahpaan kapaaz néra ung katou-touan néra ém weresi. Ni séra é sé mahkii-kiit si Anak ni Domba wisa uman un angéan-Na. Ni séramo sé tinubus im wia sé tou i maéndo tanu raragés kataré-taré wia si Opo Empung wo si Anak ni Domba.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.

Wahyu 6:11

Péléng sé roh itii é nimakailek tata'saan ung karai tonton kulo'. Wo wia ni séra éng kuaan ing kumana'pé'la oki' makaz ung kalakez né kapaayang wo né katuari esa pa'émanen néra, sé winunu' tanu ni séra malekep.

Wahyu 6:9

I si Anak ni Domba itii mukama u segel kalima, ilekengkuma um witu um wawa' um pahtunuan a raragés wia si Opo Empung ém wéwéhan sé roh né tou winunu'mo, pahpaan u Nuwu' ni Opo Empung wo pahpaan ang kata'uan néra tumoro a niilek wo tinalinga néra.