Ibrani 12:22 - Taaz Weru Witu u Nunuwu'en Tombulu

²² Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Ibrani 12:22 Iomraidhean Croise

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 5:35

Tia' kasii ni kamu mahtiwa' karia ung kaayahan, pahpaan ung kaayahan é léléékan ni Opo Empung, kaapa mahtiwa' karia u Yerusalem, pahpaan u Yerusalem ém wanua tua'na ni Kolano Wangko'.

Roma 11:26

In toro niitumo, péléng sé tou Israel én ipilot im witu un ukuman wana a singkéla', tanu u méipantik witu um Pinantik Lenas, “Si milot ni kamu im witu un ukuman wana a singkéla' é méyé, ni Sia ém witi Sion wo méyé. Péléng a singkéla' né suzu ni Yakub én zéi'en-Na.

Roma 9:26

Wo sé wana an tampa kinuaano, ‘Ni kamu én zéi'kan tou-Ku’, im wana ni séra é makuaan, ‘Sé oki' ni Opo Empung si menou-nou.’ ”

Galatia 4:26

Taan un taaz walina éng kasuat ni mahayo ni Abraham, si Sara. Si Sara én toro pasuaten karia u Yerusalem weru um witi kasendukan. Ni sia én ina'ta, sé zéi'kan ata un ukum Torat.

Efesus 2:19

Niitumo, ni kamu én zéi'mo tou wana an tampa walina a méyé wo limepuh umané. Taan ni kamu in tarékan é nimaéndomo tou ni Opo Empung wo nimaéndomo sana awu ni Opo Empung.

Filipi 3:20

Ni kita é méikarékéno in tou ni Opo Empung si witi kasendukan. Karia in téntu, in tarékan ni kita é ma'ento' si Yesus Kristus i mawurimé sumaup im witi kasendukan, ni Sia si nimiloto ni kita im witu un ukuman wana a singkéla'.

1 Tesalonika 1:9

Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.

2 Timutius 4:18

Si Yesus Mahpiara é milot ni aku im wana ang genang léwo' né tou wia ni aku. Ni Sia é milot ni aku wo mahwali ni aku i muntep witu ung Kakolanoan-Na witi kasendukan. U sigi wo looz wia uman ni Sia makaz ing kauré-uré! Amin.

Ibrani 10:31

Totoz makaindé'en sa kita ukumen ni Opo Empung si menou-nou.

Ibrani 11:10

Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

Ibrani 11:16

Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

Ibrani 9:14

apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.

Yudas 1:14

Si Henokh, si suzu kapitu ni Adam éng kimua u méikuamé ni Opo Empung tumoro ni séra, kuana, “Un ulitna, si Opo Empung é méyé karia né mariwu-riwu tou linenas-Na.

Wahyu 14:1

An ilekengkuma si Anak ni Domba rimendai witi kentur Sion wo sé memali-mali karia-Na é sé sana atus epatna pulu' wo epatna riwu tou-Na. Im wana an tungtung né tou itii ém pinantikan u ngaran-Na wo u ngaran ni Ama'-Na.

Wahyu 21:10

A ni aku kawasanla ni Roh ni Opo Empung, an iwalima ni malaekat itii witi wawona ung kentur tua'na wo rakék. Im witu an ipapaileknamé wia ni aku um wanua tua'na lenas, u Yerusalem, um wia si Opo Empung witi kasendukan an itumpamé.

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.

Wahyu 22:19

Wo sa wéwéhan si tou mina'la apa uman wana a nuwu' ni Opo Empung a méipantik witu ung kitap kenu, si tou itii én éndoan ni Opo Empung um wéténgna im wana am wua'na ung kai u mahwéhémé ung katou-touan wo um wéténgna im witu um wanua tua'na lenas, tanu u méipantik witu ung kitap kenu.”

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.

Wahyu 7:2

An ilekengkuma si esa malaekat walina nimondolé witi pahondolané ni endo. Si malaekat itii é mahali-ali un ipahtanda anu ni Opo Empung si menou-nou. A si malaekat itii kuméréta wia sé malaekat epat sé winéhano ung kawasa i luméwo' un tana' wo un tasik,