Ibrani 12:14 - Taaz Weru Witu u Nunuwu'en Tombulu

¹⁴ Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Ibrani 12:14 Iomraidhean Croise

Markus 9:50

Un asin ém wangun, taan sa un asin én tewango, karia un apa ni kamu mangun niitu maasin sumaup? Niitumo ni kamu é léwo'zéi' maéndo tou lé'os tanu un asin wo menou-noula karia i mahlé'o-lé'osan wo sé tou walina.”

Lukas 1:75

witu ung kalenasan wo ung kaulitan witu u sinaru-Na kauré ni kita i menou-nou.

Roma 12:18

Wia ni kamu, sa toro mahtututu'la i menou-nou mahlé'o-lé'osan karia péléng sé tou.

Roma 14:19

Niitumo, mahtututu'mola i menéro a mahalimé u mahlé'o-lé'osan wo a mahenté' am pa'émanen né tou esa pa'émanen.

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

1 Korintus 13:12

In tarékan, zéi'kampé' tahlous katulapanta un tumoro si Opo Empung, niitu é masuat wo ni kita mahilek un touta witu u lélénoan kewur. Taan sa kita nimasaruano karia-Na taré totoz katulapanta un tumoro ni Sia. In tarékan péléng an tumoro ni Sia én zéi'kampé' tahlous kata'uangku, taan niitu én totoz makata'uangku, tanu ni Sia in totoz mata'u ni aku.

2 Korintus 6:17

Pahpaano niitu, Mondolé ni kamu im witu un unez né tou zéi'kan ma'éman, wo tumampasé im wia ni séra, Nuwu' ni Opo Empung. Wo tia' kamu memua-muali a singkéla' u mangun ni kamu i makati'tiren, wo kamu sungkuleng-Ku.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Galatia 3:21

Sa téntu, apa un ukum Torat u méiwéhé ni Opo Empung é nimatamburian karia an taaz-Na? Zéi'kan téntu. Pahpaan sa un ukum Torat é méiwéhé ni Opo Empung i méhé ung katou-touan makaz ing kauré-uré, tantumo sé tou niéndo ulit im witu u sinaru ni Opo Empung pahpaan mahkiit un ukum Torat.

Efesus 5:5

Pahpaan, totoz im pahwéhanla genang ang kenu: Sé tou samek, sé memua-muali a sinéro' im pahmualin né zéi'kampé' kimawéng, kaapa malo'it, ni séra é masuatokan i mahongkot wia sé opo-opo, sé tou téntu én zéi'kan siapa si maéndo tou ni Kristus wo tou witi Kakolanoan ni Opo Empung.

Filipi 3:12

Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

1 Tesalonika 3:13

Mengalé-ngaléi uman, si Opo Empung Ama'ta é menté' un até niou, wo ni kamu zéi'kan siapa pahséro'an wo lenas im witu u sinaru-Na, i si Yesus si Mahpiarata mémahwali-wali karia péléng sé tou linenas-Na.

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

1 Timutius 6:11

Taan ni ko in tou ni Opo Empung, zumou-zou' im wana péléng niitu, mahtututu'la in zéi'kan mahsanaweka, mahragésla wia si Opo Empung, tia' mazéi' ma'éman wia ni Sia, rumaraaté sé kasuat tou, ezen wana an zézéha wo eluz uman wia si kasuat tou.

2 Timutius 2:22

Pahpaano niitu, ma'katla im wana a lelo léwo' un awak né weru tou. Mahtututu'la i mahkiit um paaz ni Opo Empung, ma'éman an tutuzu'-Na, rumaraaté si kasuat tou wo mahlé'o-lé'osan karia néra sé mengaléi wia si Opo Empung i mekitulung karia un até weresi.

Ibrani 12:10

Sé tu'ata sé wia ung kaayahan é mukum ni kita zéi'kan mauréma mengiit um wangun ung ginenang néra. Taan si Opo Empung i mukum ni kita wo kita makailek am wangun wo kita zéi'kan siapa pahséro'an tanu ni Sia in zéi'kan siapa pahséro'an.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Petrus 3:11

Ni sia é léwo'zéi' in tumula'umola a léwo'an wo mahwangunla a lé'os. Ni sia kasii é léwo'zéi' i mahtututu'la makaz i makailek u mahlé'o-lé'osan.

1 Petrus 3:13

Séi si paaz mangun a léwo'an wia ni kamu, sa ni kamu zéi'kan kumana' i memangu-mangun a lé'os?

2 Petrus 3:11

Sa péléng niana é maapu tanu niitu, kura ung katou-touan niou? Tantumo, ni kamu i menou-nou é léwo'zéi' i lenas wo mahkiit uman ung kapaaz ni Opo Empung.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.

3 Yohanes 1:11

Katuari ikararaatéku. Tia' mahkéré a léwo', taan mahkéréla a lé'os. Séi si mahwangun a lé'os, ni sia ém wia si Opo Empung a méyé. Taan séi si mahwangun a léwo', ni sia én zéi'kampé' mata'u si Opo Empung.