Ibrani 12:1 - Taaz Weru Witu u Nunuwu'en Tombulu

¹ Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.

Ibrani 12:1 Iomraidhean Croise

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 24:13

Taan sé tou ezen makaz ing kamurian é makailek ung katou-touan makaz ing kauré-uré.

Markus 10:50

An iweritnama ung karai tontonna, a sia rengan i rimendaié a mangé wia si Yesus.

Lukas 12:15

Ang kuan-Na wia sé tou lakez, “Mile-ilek wo tuméga-tégam én taa kamu maéndo tou angkum. Pahpaan zozo' in totoz lakez a sangkum ni tou, ung katou-touanna én zéi'kan niméré' uman witu ung kawa'ilananna.”

Lukas 16:28

Pahpaan im witu ém wéwéhan sé lima totoz katuariku. Iatupé'ma si Lazarus i mapagenang wia ni séra wo sa séra matéma, ni séra én zéi'kan iuntep wia an tampa zézéha kenu.’

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Yohanes 3:32

Ni Sia é mahkua tumoro a niilek-Na wo an tinalinga-Na. Taan zozo' in esa, zéi'kan siapa si tou ma'éman an ipahkua-Na.

Yohanes 4:39

Lakez sé tou Samaria sé witi wanua tua'na itii a méyé é nima'éman wia si Yesus pahpaan si wéwéné itii mahkua, “Ni Sia éng kimuamé wia ni aku péléng a nimualikumola.”

Yohanes 4:44

Si Yesus in esa éng kimuamo tumoro ung kata'uan-Na i si nabi én zéi'kan pahsigi'en im witi wanuana in esa.

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Galatia 2:2

Ni aku nimangé wana éng kumiit u méipapata'u ni Opo Empung. Im witu ni aku nimahilekané wo sé tonaas né jamaat wo ni kai én timampasla i simirita. Wia sé tonaas itii, ni aku é nimapata'u u Nuwu' Lé'os tumoro si Yesus u méipahwoka'kumé wia sé tou zéi'kan Yahudi. Karia in téntu, am pinaayangkumomé wo um pahpaayangengku in tarékan ém wéwéhan torona.

Galatia 5:7

Im puuna, im witu um pahlolowaan, ni kamu é nimahlolowaanola karia im wangun. Niitu én tanu ni kamu wanguno i mahkiit si Yesus. Séi wé si mahapé-apé' wia ni kamu akaz ni kamu zéi'mo mahkiit ung kaulitan?

Efesus 4:25

Niitumo, tia'mo mahtowo taan mahkua umanla an ulit wia si esa wo si esa pahpaan ni kita péléng é masuat in esaané im witu un awak ni Kristus.

Filipi 1:30

Ni kamu é nimileko ni aku i nimazézéha rengan im puuna wo makaz in tarékan ni kamu é mahtalingapé'ma i ni aku é nimazézéhapé'. Ni aku é nimazézéha pahpaan i mahtututu' mahwoka' u Nuwu' Lé'os tumoro si Kristus. Téntu kangkasii, ni kamu é mahtututu' i mahwoka' u Nuwu' Lé'os tumoro si Kristus, niitumo ni kamu kangkasii é nimazézéha tanu an zézéha pahpendanengku.

Filipi 2:16

Ni kamu én tumio-tion witu u Nuwu' ni Opo Empung u mahwéhémé ung katou-touan. Karia in téntu, im witu un endo si Yesus Kristus i mawurimé sumaup, ni aku én toro mahpaa-paaz. Ni aku én toro mahpaa-paaz pahpaan um pinaayangku wo um pahtututu'engku ém wéwéhan torona.

2 Timutius 2:4

Si suraro karegas i mahpaayang én zéi'kan megena-genang am pemandungenna walina. Karia in téntu ni sia éng kapaaz ni tonaasna.

2 Timutius 4:7

Ni aku én uli-ulit simapetola um pahlolowaan karia im wangun wo méikaayomola witu un akazna. Ni aku kasii én zéi'kan mazéi' i ma'éman wia si Kristus Yesus makaz ing kamurian.

Ibrani 6:15

Si Abraham én totoz ezen i ma'ento' un taaz itii. Niitumo ni sia nimakailek u méitaaz ni Opo Empung wia ni sia.

Yakobus 1:3

Pahpaan kata'uan niouo, sa am pema'wa'an witu um pa'émanen niou itii é mangun ni kamu in ezen.

1 Petrus 2:1

Pahpaano niitu, ni kamu éng kumana'mola i memua-muali a léwo'an. Tia'mo mahtowo, tia'mo mahwangu-wangun i lumé'ospé'mé sé tou walina, tia'mo mahtéutéu wo kasii tia'mo mahtawuruk sé tou.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

1 Petrus 5:1

Ni aku ém penatua tanu ni kamu wo ni aku éng kumuama a niilekku wo an tinalingaku tumoro an zézéha pinahpendané ni Kristus im puuna. Ni aku kangkasii é lamakailek wéténg im witu ung kawangko'an-Na i si Kristus mémapailek ung kawangko'an-Na. Niitumo ni aku é sumésama wia ni kamu:

1 Petrus 5:12

Karia im pinahsawangala ni Silas, ni aku nimantika um pinantik potot uman kenu. Totoz kata'uangku i si Silas kenu éng katuariku esa pa'émanen wo ni sia én toro pahtali-talingan. Um pinantik kenu ém pinantikku wo iwéhékuma i sumésama wo totoz mapagenanga wia ni kamu sa niia én uli-ulit kamang méitambér um wia si Opo Empung a méyé. Totoz in enté'ela um pa'émanen niou im wana ang kamang méitambér ni Opo Empung itii.

2 Petrus 1:6

wo witu ung katulapan tumoro si Opo Empung ém pahawesala karia u mata'u mahime-imek un tou. Wo u mata'u mahime-imek un tou ém pahawesala karia un ezen im wana an zézéha, wo un ezen im wana an zézéha ém pahawesala karia u mahkiit ang kapaaz ni Opo Empung.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

Wahyu 13:10

Séi si tinotozo im buin, tantumo ni sia é maiuntep bui. Séi si tinotozo im wunu'en karia um pisou, ni sia é léwo'zéi' im wunu'en karia um pisou. Niitumo un totoz ipahpuu-puuna, sé tou ni Opo Empung é léwo'zéi' in ezen wo tia' mazéi' i ma'éman.

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.