Ibrani 11:5 - Taaz Weru Witu u Nunuwu'en Tombulu

⁵ Pahpaan i ma'éman, si Henokh zéi'kan nimendané um patéan wo ni sia ém winénéta ni Opo Empung mangé witi kasendukan, niitumo zéi'kan siapa si nimilek ni sia. Wo puunala sia im winénéta mangé witi kasendukan, si Opo Empung éng kimua i ni sia én ikapaaz-Na.

Ibrani 11:5 Iomraidhean Croise

Lukas 2:26

Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Lukas 3:37

oki' ni Metusalah, oki' ni Henokh, oki' ni Yared, oki' ni Mahalaleel, oki' ni Kenan,

1 Tesalonika 2:4

Taan si Opo Empung niméhé um paayangen wia ni kai i mahwoka' u Nuwu' Lé'os tumoro si Yesus, pahpaan pahgenangen-Nala i ni kai ém wangun i maayang niitu. Niitumo ni kai i mahnuwu'ma én zéi'kan i mangun un até né tou mahpaa-paaz, taan i mangun un até ni Opo Empung mahpaa-paaz. Ni Sia si mahtata'u un até nai.

Ibrani 11:6

Niitumo, zéi'kan mamuali si tou in ikapaaz ni Opo Empung sa zéi'kan ma'éman wia ni Sia. Pahpaan séi si paaz méyé wia si Opo Empung, totoz pa'émanenna i si Opo Empung én uli-ulit im wia, wo totoz pa'émanenna i ni Sia si mahwéhé um wawaér wia si tou uli-ulit mahtututu' i mahragés wia ni Sia.

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.

1 Yohanes 3:22

wo apa uman am pahaléienta wia ni Sia éng kailekanta, pahpaan ni kita é mahkiit péléng am perénta-Na wo mahlé'os péléng ang kapaaz-Na.

Yudas 1:14

Si Henokh, si suzu kapitu ni Adam éng kimua u méikuamé ni Opo Empung tumoro ni séra, kuana, “Un ulitna, si Opo Empung é méyé karia né mariwu-riwu tou linenas-Na.