Ibrani 11:40 - Taaz Weru Witu u Nunuwu'en Tombulu

⁴⁰ Pahpaan si Opo Empung éng gimenang u lumouspé'mé ung kawangunan niitu wia ni kita. Ung ginenang-Na, péléng a méitaaz-Na wia ni séra én zéi'kan malekep sa zéi'kan mahwali-wali kariata.

Ibrani 11:40 Iomraidhean Croise

Ibrani 11:16

Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 5:9

Im pinakapendan-Namomé péléng am pengalin-Na, taré si Opo Empung mangun ni Sia zéi'kan siapa pahséro'an wo ni Sia uman si milot sé tou im witu un ukuman wana a singkéla' makaz ing kauré-uré wia sé tou mahtali-talinga ni Sia.

Ibrani 7:19

Pahpaan karia i mahkiit un ukum Torat, zéi'kan siapa zozo' in esa si tou niéndo ulit. Taan in tarékan ni kita ém winéhan um pahéré'an u lumouspé'mé un uré, un toro mangun ni kita ing karéténa wia si Opo Empung.

Ibrani 7:22

Niitumo, im witu un tiwa' ni Opo Empung, uli-ulit toro kata'uanta i si Yesus é nimenté' un taaz ni Opo Empung wia ni kita wo un taaz itii é lumouspé'mé un taaz winangun ni Opo Empung karia né nimaopo né tou Israel.

Ibrani 8:6

Taan in tarékan si Yesus ém winéhan um paayangen u lumouspé'mé um paayangen né walian wia ung kaayahan. Pahpaan ni Sia si nimahalimé um pinataazan niénéan ni Opo Empung u lumouspé'mé ung kawangunan um pinataazan méiwéhé wia si Musa im puuna.

Ibrani 9:23

Niitumo, un ténda ni Opo Empung um wia ung kaayahan wo karia péléng am pahpakén witu, an tumuzu'mé am witi kasendukan ém wineresimo karia un zaha' né tatamun. Taan péléng am pahpakén witi kasendukan ém weresin karia un zaha' u lumousé un zaha' né tatamun.

Wahyu 6:11

Péléng sé roh itii é nimakailek tata'saan ung karai tonton kulo'. Wo wia ni séra éng kuaan ing kumana'pé'la oki' makaz ung kalakez né kapaayang wo né katuari esa pa'émanen néra, sé winunu' tanu ni séra malekep.