Ibrani 11:3 - Taaz Weru Witu u Nunuwu'en Tombulu

³ Pahpaan i ma'éman, ni kita é makatulap ung kaayahan ém winangun mengiité u Nuwu' ni Opo Empung. Niitumo, péléng am pahilekenta ém winanguné im wana an zéi'kan kailekan.

Ibrani 11:3 Iomraidhean Croise

Yohanes 1:3

Peléng am péléng ém winangun ni Opo Empung mengiité u Nuwu' ni Opo Empung. Wo zéi'kan siapa zozo' in esa im wia péléng am winanguno kenu ém winangun sa zéi'kan siapa u Nuwu' ni Opo Empung.

Kisah Rasul-rasul 14:15

“É kamu péléng, kaa kamu mahwangun an téntu? Ni kai én tou uman masuat wo ni kamu. Ni kai i niméyé wia'i é mémahwoka' u Nuwu' Lé'os tumoro si Yesus wia ni kamu, wo kamu tumula'ula am pahwangunen niou an zéi'kan siapa torona kenu, wo méyé wia si Opo Empung si menou-nou. Ni Sia si nimangun u langit wo ung kaayahan, un tasik wo péléng am witu.

Kisah Rasul-rasul 17:24

Si Opo Empung itiimo si nimangun ung kaayahan wo péléng am witu. Ni Siamo si mahkawasa witi langit wo wia ung kaayahan. Ni Sia én zéi'kan mahento' wana am peraragésan am winangun né tou.

Roma 4:17

Tanu u méikua ni Opo Empung u méipantik witu um Pinantik Lenas, “Ni ko én tinotoz i maéndo ama' né tahsasana wanua lakez.” Ni sia én ama'ta im witu u sinaru ni Opo Empung. Un taaz itii é méiwéhéla ni Opo Empung wia si Abraham wo totoz pa'émanenna un taaz ni Opo Empung, si timou sumaup sé nimaté. Ni Sia kasii si numuwu' umana é mangun an zéi'kan siapa é mawia.

1 Korintus 2:7

Taan an ipahwoka' nai itii éng katulapan ni Opo Empung a méikawunipé' wo zéi'kampé' kata'uan. Ang katulapan ni Opo Empung itii é niimek-Namo puunala ung kaayahan kenu im winangun. Niitu ém winangun ni Opo Empung wo kita sigi'en wo loozen.

1 Timutius 4:5

Pahpaan péléng niana ém wineresi karia u Nuwu' ni Opo Empung wo karia am pengaléien.

Ibrani 1:2

Taan in tarékan, im wana an endo kaakazan ung kaayahan kenu, ni Sia é nimuwu' wia ni kita mengiité si Oki'-Na, si tinotozo i maéndo makaanu péléng am péléng. Mengiité si Oki'-Na, si Opo Empung nimangun péléng am péléng.

Ibrani 6:5

Ni séra kangkasii é nimé'annomé u lé'osna u Nuwu' ni Opo Empung wo nimé'annomé ang kawasa-Na, a mamualimokan i nimawerumoma ung kaayahan,

2 Petrus 3:5

Ni séra é mahkua in téntu pahpaan ni séra é mahwangu-wangun zéi'kan mata'u sa im puuna si Opo Empung én akaz uman i nimuwu'ma, u langit é rengan i nimamualima. Téntu kangkasii, si Opo Empung, akaz uman i nimuwu'ma, un zano é nimamualima kaayahan am patampasen-Nama ung katanaan wo un zano,

Wahyu 4:11

“O Mahpiara wo Opo Empung nai. Ni Ko uman si wangun i makailek u lolooz wo sisigi'an wo ung kawasa. Pahpaan péléng am péléng ém winangun-Mu, wo pahpaan ing kapaaz-Mu, niana péléng ém winangun wo wia.”