Ibrani 11:28 - Taaz Weru Witu u Nunuwu'en Tombulu

²⁸ Pahpaan i ma'éman, si Musa nimatu sé tou Israel i lumé'os un endo wangko' um pahkuan Paskah wo mahpikpika un zaha' wana am pepenet am walé né tou Israel, wo am walé itii én talezen umana ni malaekat um patéan si mahwunu' sé koki' tu'a.

Ibrani 11:28 Iomraidhean Croise

1 Korintus 10:10

Tia' menembu-nembut tanu am pinahwanguné né woopira im wia ni séra, makaz ni séra winunu' ni malaekat um patéan.

Ibrani 12:24

Ni kamu kasii mahilekan karia ni Yesus Kristus si nimahalimé un taaz weru u niénéan ni Opo Empung wo karia un zaha'-Na u nimangun sé tou nimaweresi, taka-takazan si Opo Empung niméhé ampungan wana a singkéla' né tou. Niitumo, un zaha' ni Yesus é lumouspé'mé ung kawangunan un zaha' ni Habel. Pahpaan un zaha' ni Habel é méisaroi pahpaan un téutéu.

Ibrani 9:19

Pahpaan i si Musa nimapata'u péléng un ukum Torat wia sé tou Israel, ni sia é niméndomé un zaha' ni sapi oki' wo un zaha' ni kambing tuama u sinembor karia un zano, an ipahpikpika witu um pinantikan ung kitap Torat wo wia sé tou Israel, nimaké um wuuk rangdang ni domba wo u hisop,

1 Petrus 1:2

Si Opo Empung, Ama'ta é niméléngo ni kamu mengiité ung ginenang-Na rengané im puuna. Si Roh Lenas si limenas ni kamu wo kamu mahwangun ang kapaaz ni Yesus Kristus, wo kamu weresin im wana a siningkéla' niou karia im pinikpikan un zaha'-Na. Mengalé-ngaléi uman ung kamang tatambér ni Opo Empung wo ung kaluasan witu un até é menaté-natér ni kamu.