Ibrani 11:27 - Taaz Weru Witu u Nunuwu'en Tombulu

²⁷ Pahpaan i ma'éman, si Musa timula'uma un tana' Mesir. Ni sia i nimangé én zéi'kan maindé' un upi' ni kolano né Mesir taan pahpaan ni sia én tanu mahilekoma si Opo Empung si zéi'kan kailekan itii.

Ibrani 11:27 Iomraidhean Croise

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 24:13

Taan sé tou ezen makaz ing kamurian é makailek ung katou-touan makaz ing kauré-uré.

Markus 13:13

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.”

Markus 4:17

Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, ni séra é rengan in timamburila im wia si Opo Empung.

Kisah Rasul-rasul 2:25

Im puuna si Daud éng kimuamo in téntii tumoro ni Sia, ‘Sekezé si Opo Empung ém pengile-ngilekengku witu u sinaru-Ku. Pahpaan ni Sia ém witu ung kakanku, niitumo zéi'kan siapa si kumala ni aku.

1 Korintus 13:7

Ni sia én ezen i mahsaru péléng am péléng, ma'éman péléng am péléng, mahéré' wana péléng am péléng, ezen mengali péléng am péléng.

2 Korintus 4:18

Pahpaano niitu, ni kai én zéi'kan mahwéhé genang wana am pahileken wia ung kaayahan kenu, pahpaan am wia ung kaayahan én zéi'kan makaz ing kauré-uré. Taan am pahwéhan nai genang an zéi'kan kailekan, am witi kasendukan a méyé u makaz ing kauré-uré.

Kolose 1:15

Si Yesus Kristus én tumuzu'mé si Opo Empung si zéi'kan kailekan, ni Sia si kataré-taré wo ipahpuu-puuna im wia péléng sé winangun ni Opo Empung.

1 Timutius 1:17

U looz wo u sigi' wangko' makaz ing kauré-uré wia si Opo Empung laléi, si Kolano makaz ing kauré-uré, si zéi'kan pahileken wo si esa uman! Amin.

1 Timutius 6:16

Ni Sia uman si zéi'kan kinala um patéan, menou-nou witu un ayah un zéi'kan mata'u kalelezan. Zéi'kan siapa tou si nimileko ni Sia wo un ulitna én zéi'kan siapa si tou toro milek ni Sia. Péléng a sisigi'an wo ang kawasa ém wia ni Sia uman makaz ing kauré-uré. Amin.

Ibrani 10:32

Taan gena-genangen kura ni kamu im puuna i ni kamu taré ma'émanla wia si Yesus. In toro niitu, lakez an zézéha pinendan nioué, taan ni kamu uli-ulit enté' im wana an zézéha.

Ibrani 11:1

Um pa'émanen én téntii: totoz ing kata'uanta sa péléng am pahéré'anta wia si Opo Empung éng kailekanta, zozo' in zéi'kampé' pahilekentala taan totoz ing kata'uanta ni kita é lamakailek niitu.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 6:15

Si Abraham én totoz ezen i ma'ento' un taaz itii. Niitumo ni sia nimakailek u méitaaz ni Opo Empung wia ni sia.

Yakobus 5:11

Ni séra ém pahkuan i mahpaa-paazo, pahpaan ni séra én totoz ezen i mahsaru an zézéha. Ni kamu én timalingamo ung kaezenan ni Ayub wo kata'uan niouo ing kamurian kura si Mahpiara ing kimamang ni sia. Pahpaan si Mahpiara én totoz rumaraaté wo meripu' umané i rumaraaté.

1 Petrus 1:8

Zozo' ni Sia én zéi'kampé' pinahile-ilek nioula, taan ni Sia én ikararaaté niou. Wo maan in tarékan kasii ni Sia én zéi'kampé' pahileken niou, taan ni Sia ém pa'émanen niou. U mahpaa-paaz niou én zéi'kan kakuaan pahpaan niitu ém wangko'.