Ibrani 11:19 - Taaz Weru Witu u Nunuwu'en Tombulu

¹⁹ Pahpaan im witu ung genang ni Abraham i si Opo Empung ém wéwéhan kawasa in tumou sumaup sé tou nimatémo. Niitumo, si Ishak én tanu ing kinailekané sumaup ni Abraham im witu um patéan.

Ibrani 11:19 Iomraidhean Croise

Matius 12:36

Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahwangunen né tou, ni séra é léwo'zéi' i makaulit wo mengali am wua'na péléng a méipahkuana an zéi'kan siapa torona.

Matius 9:28

I si Yesus nimuntepoma witu um walé esa, sé tou letok itii niméyé wia ni Sia. Ang kuan ni Yesus wia ni séra, “Pa'émanen niou i ni Aku én toro lumé'os ni kamu?” A séra mingkotla, “Éné, ni kai ma'éman, Tuang.”

Roma 5:14

Zozo' in téntu, um patéan éng kimawasa rengané witu un oras ni Adam makaz witu un oras ni Musa, téntu kangkasii um patéan éng kimawasa wia sé tou simingkéla' zéi'kan tanu a singkéla' pinahwanguné ni Adam. Si Adam én tumuzu'mé si Kristus si méitaaz ni Opo Empung i méyé in tumondong.

Efesus 3:20

Karia ung kawasa-Na un uli-ulit mahpaayang witu un touta, si Opo Empung én toro mangun totoz lumakezpé'mé am pahaléienta wo ang ginenangta.

Ibrani 9:24

Pahpaan si Kristus zéi'kan muntep witi tampa Totoz Lenas um winangun né tou un tanu uman un uli-ulit tampa Totoz Lenas um witi kasendukan, taan si Kristus é nimuntepoma witi kasendukan wo in tarékan ni Sia ém witumo u sinaru ni Opo Empung in tumulung ni kita.

Ibrani 9:9

Péléng niitu un tumuzu'mé kura sé tou in tarékan i menou-nou. Karia in téntu, sé walian én ulit i nimahalimoma a raragés wo mengangali sé tatamun kinerizo wia si Opo Empung. Taan péléng niitu én zéi'kan uli-ulit nimeresima un até péléng né tou sé mahragés wia si Opo Empung.