Ibrani 11:17 - Taaz Weru Witu u Nunuwu'en Tombulu

¹⁷ Pahpaan i ma'éman, si Abraham im pema'wa'en ni Opo Empung é niméhé si Ishak in iragés wia ni Sia. Si Abraham si nimakailekola u méitaaz ni Opo Empung itii ém paaz i méhé si Ishak si oki'na si esa uman in iragés,

Ibrani 11:17 Iomraidhean Croise

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

2 Korintus 8:12

Pahpaan sa kamu paaz mahwéhé wo mahwéhé mengiit ung kawawaan niou, si Mahpiara ém paaz i sumungkul a méiwéhé niou. Ni Sia én zéi'kan kawisa mahaléi wia ni kamu i mahwéhé un zéi'kan siapa im wia ni kamu.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 7:6

Si Melkisedek én zéi'kan suzu ni Lewi taan ni sia é makailek u sana pahpulu' im wana ang kinahaté ni Abraham wo ni sia kasii si kimamang si Abraham zozo' si Abraham nimakaileko un taaz ni Opo Empung.

Yakobus 5:11

Ni séra ém pahkuan i mahpaa-paazo, pahpaan ni séra én totoz ezen i mahsaru an zézéha. Ni kamu én timalingamo ung kaezenan ni Ayub wo kata'uan niouo ing kamurian kura si Mahpiara ing kimamang ni sia. Pahpaan si Mahpiara én totoz rumaraaté wo meripu' umané i rumaraaté.

1 Petrus 4:12

Katuari-katuari ikararaatéku! Tia' ikakompo' niou i mendan an zézéha totoz wutez in tarékan. Pahpaan an zézéha itii é ma'wa' um pa'émanen niou wo an zézéha itii én zéi'kan lumousé ung kinanaram.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.