Ibrani 11:10 - Taaz Weru Witu u Nunuwu'en Tombulu

¹⁰ Pahpaan si Abraham uli-ulit ma'éman i ni sia é milek um wanua tua'na u makato'tolan enté', u niimeko wo winangun ni Opo Empung, niitumo ni sia é ma'ento' karia in zéi'kan mahzua-zua genang i makailek um wanua tua'na itii.

Ibrani 11:10 Iomraidhean Croise

Yohanes 14:2

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

2 Korintus 5:1

Ung kata'uan nai, un awakta im wia ung kaayahan é masuat uman wo un ténda pahento'anta u maléwo'. Si Opo Empung é méhé wia ni kita um walé witi kasendukan. Um walé itii ém winangun ni Opo Empung, zéi'kan maléwo' makaz ing kauré-uré, zéi'kan winangun ni tou.

Filipi 3:20

Ni kita é méikarékéno in tou ni Opo Empung si witi kasendukan. Karia in téntu, in tarékan ni kita é ma'ento' si Yesus Kristus i mawurimé sumaup im witi kasendukan, ni Sia si nimiloto ni kita im witu un ukuman wana a singkéla'.

Ibrani 11:16

Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 12:22

Taan ni kamu é niméyémo wia ung kentur Sion, witi wanua tua'na ni Opo Empung si menou-nou, niitumo u Yerusalem witi kasendukan wo mahilekan karia né mariwu-riwu malaekat sé nimaréwok i mahpaa-paaz.

Ibrani 12:28

Niitumo, pahpaan ni kita é nimaéndomo tou ni Opo Empung witi Kakolanoan-Na un zéi'kan mamuali in iéhzo', méyémo kita mapaayo u makasé wo rumagés wia si Opo Empung u mahwangun ni Sia mahpaa-paaz. Ni kita i mahragés wia ni Sia éng karia i mahsigi' wo maindé' ni Sia.

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 3:4

Pahpaan péléng am walé ém winangun ni memamangun um walé, taan si nimangun péléng am péléng é si Opo Empung.

Wahyu 21:2

Ni Aku kangkasii nimileka um wanua tua'na lenas, u Yerusalem weru, um wia si Opo Empung witi kasendukan an itumpamé. Um wanua tua'na itii é niimek tanumokan si wéwéné kawéngen, niimek i mahilekan karia ni tuama kumawéng ni sia.