Ibrani 10:38 - Taaz Weru Witu u Nunuwu'en Tombulu

³⁸ Taan si tou-Ku si ulit é menou-nou pahpaan ma'éman. Wo sa sia timula'umoma ni Aku, si tou itii én zéi'kan wangun wia ni Aku.”

Ibrani 10:38 Iomraidhean Croise

Matius 12:18

“Si kenumo si Ata si pinéléng-Ku, si kararaaté-Ku wo si kapaaz-Ku. Si Roh-Ku én iwéhé-Ku wia ni Sia wo ni Sia é mapailek an zéi'kan mahsanaweka wia sé tahsasana wanua.

Matius 13:21

Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, sé tou itii é rengan in timamburila im wia si Opo Empung.

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

Galatia 3:11

Niitumo, méikatuzu'momé in zéi'kan siapa tou niéndo ulit ni Opo Empung pahpaan i mahkiit un ukum Torat. Pahpaan witu um Pinantik Lenas é méipantik téntii, “Si tou niéndo ulit ni Opo Empung, ni sia é menou-nou pahpaan um pa'émanenna.”

1 Tesalonika 2:15

Sé tou Yahudi itii sé nimunu'mo si Yesus Mahpiara wo sé nabi wo zimézéhamo ni kai. Ni séra én zéi'kan pandung um paaz ni Opo Empung wo péléng sé tou éng kakoro' néra.

Ibrani 10:39

Ni kita én zéi'kan tanu sé tou timula'umoma ni Sia wo lamaléwo', taan ni kita én tou ma'éman wo maipilot im witu un ukuman wana a singkéla'.

Yakobus 5:6

Ni kamu é nimukummola wo nimunu'mola sé tou ulit wo séra zéi'kan mahsaru ni kamu.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.