Ibrani 10:36 - Taaz Weru Witu u Nunuwu'en Tombulu

³⁶ Ni kamu én tia' mahkana' i ma'éman zozo' im pahzézéhan, wo ni kamu makailek u méitaaz ni Opo Empung pahpaan nimakawangunola an ikapaaz-Na.

Ibrani 10:36 Iomraidhean Croise

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 12:50

Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 24:13

Taan sé tou ezen makaz ing kamurian é makailek ung katou-touan makaz ing kauré-uré.

Matius 7:21

Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Markus 3:35

Séi uman si mahwangun ung kapaaz ni Opo Empung, ni séramo sé katuari-Ku tuama, katuari-Ku wéwéné wo ina'-Ku.”

Lukas 21:19

Sa ni kamu ezen, ni kamu é makailek ung katou-touan makaz ing kauré-uré.”

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Kisah Rasul-rasul 13:22

I si Saul zinéi'mola ni Opo Empung ing kolano, a Sia méléngla si Daud i sumawel si Saul. Tumoro si Daud, si Opo Empung éng kimua in téntii, ‘Ni Aku é nimakailekola si Daud si oki' ni Isai. Ni sia é mahwangun un até-Ku mahpaa-paaz, wo mamangun péléng ang kapaaz-Ku.’

Kisah Rasul-rasul 13:36

Si Daud i menou-nou é mahwangun péléng ang kapaaz ni Opo Empung. A sia matéla an ilewengla witu ung kasaru né nimaopona. Un awakna é nimawuul.

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

Roma 8:25

Taan sa um pahéré'anta én zéi'kan pahilekenta, ni kita é léwo'zéi' in ezen i ma'ento' niitu.

1 Korintus 13:7

Ni sia én ezen i mahsaru péléng am péléng, ma'éman péléng am péléng, mahéré' wana péléng am péléng, ezen mengali péléng am péléng.

Galatia 6:9

Tia' maseso' i mahwangun a lé'os, pahpaan sa kita zéi'kan maseso' mahwangun niitu, i méikaayomola witu un oras tinotoz ni Opo Empung, ni Sia é méhé am wangun wia ni kita. Niitu é masuat wo si timanem i mupu' u méitanemna.

Efesus 6:6

Tia' kamu mahtali-talinga wo mahsigi' sé tuang im witu u sinaru néra i mangun uman sé tou mahpaa-paaz, taan ni kamu in ata ni Kristus én uli-ulit mahwangunla ang kapaaz ni Opo Empung.

Kolose 1:11

Ni kai kasii mengaléi, wo ung kawasa-Na un totoz wangko' é mangun un até niou i maenté', taka-takazan maan ing kuramokan ung kalakez an zézéha pahsarun niou, ni kamu én zéi'kan mazéi' i ma'éman wo totoz uman ezen i mengali niitu,

Kolose 3:24

Kata'uan niouo i ni kamu é makailek am wangun un iwaéré ni Mahpiara. Kuramo u niimek ni Mahpiara wia sé tou-Na, niitumo un iwéhé wia ni kamu. Pahpaan si tuang pahpaayangan niou é si Kristus in esa.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

Ibrani 11:39

Ni séra péléng én ikapaaz ni Opo Empung pahpaan um pa'émanen néra. Zozo' ni séra zéi'kan nimakaileka a méitaaz ni Opo Empung wia ni séra.

Ibrani 12:1

Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

Ibrani 6:12

Kasoo nai ni kamu i maéndo tou sé soo kumura. Taan ikapaaz nai ni kamu menou-nou tanu sé tou nimakailek u méitaaz ni Opo Empung pahpaan ni séra é ma'éman ni Sia wo pahpaan ung kaezenan néra.

Ibrani 6:15

Si Abraham én totoz ezen i ma'ento' un taaz itii. Niitumo ni sia nimakailek u méitaaz ni Opo Empung wia ni sia.

Ibrani 6:17

Niitumo, si Opo Empung én timiwa' i menté' un taaz-Na. Kapaaz-Na sé tou sé lamakailek un taaz-Na én uli-ulit mata'u i si Opo Empung é mangun a méitaaz-Na.

Ibrani 9:15

Pahpaano niitu, si Kristus nimahalimé um pinataazan weru niénéan ni Opo Empung wia sé tou. Karia in téntu, péléng sé tinawah ni Opo Empung é makailek ung kamang zéi'kan mahléwo-léwo'la makaz ing kauré-uré u méitaaz-Na, pahpaan si Kristus nimatémo i maér sé tou im witu un ukuman patéan pahpaan péléng a singkéla' néra, i ni séra mahkiitpé' um pinataazan kataré.

1 Petrus 1:9

Ni kamu é mahpaa-paazola pahpaan ni kamu é mémoipiloté im witu un ukuman wana a singkéla'. Niitumo um wua'na um pa'émanen niou wia si Yesus.

1 Yohanes 2:17

Ung kaayahan wo péléng ang kapaaz né tou é lelezo mazéi', taan si tou mahwangun ang kapaaz ni Opo Empung é menou-nou makaz ing kauré-uré.

Wahyu 13:10

Séi si tinotozo im buin, tantumo ni sia é maiuntep bui. Séi si tinotozo im wunu'en karia um pisou, ni sia é léwo'zéi' im wunu'en karia um pisou. Niitumo un totoz ipahpuu-puuna, sé tou ni Opo Empung é léwo'zéi' in ezen wo tia' mazéi' i ma'éman.

Wahyu 14:12

Un ipahpuu-puuna im wia'i éng kaezenan né tou ni Opo Empung, sé mahkiit am perénta-Na wo ma'éman wia si Yesus.