Ibrani 10:34 - Taaz Weru Witu u Nunuwu'en Tombulu

³⁴ Im wéwéhan sé tou niukum méiuntep bui, ni kamu é nimendan an zézéha karia néra wo zozo' a sangkum niou éng kinahata né tou walina, taan ni kamu é mahpaa-paaz pahpaan kata'uan niou ni kamu é makasangkum u lumouspé'mé niitu u méiwéhémé ni Opo Empung un zéi'kan maléwo' makaz ing kauré-uré.

Ibrani 10:34 Iomraidhean Croise

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Lukas 10:42

taan un ipahpuu-puuna én esa uman. Si Maria é niméléngola un totoz wangun, un zéi'kan éndon im wia ni sia.”

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 9:25

Apa un torona sa péléng am wia ung kaayahan én anuna, taan niitu é luméwo' un touna wo zéi'kan makailek ung katou-touan makaz ing kauré-uré?

Kisah Rasul-rasul 21:33

I méikaayomola witu, si tonaas né suraro itii é rimétéma wia si Paulus, a sia tionannala. An iatunama sé surarona i mamapus ni sia karia u ranté zua, a meligau sa séi sia wo apa um nimualinamola.

Kisah Rasul-rasul 28:20

Pahpaano niitu ni aku mahaléi i mémahilekan wo sumirita karia niou. Ni aku i rinanté tanu ang kenu ém pahpaan ni aku mahwoka' tumoro si Kristus si rengan im puuna méitaaz ni Opo Empung in iwéhé wia sé tou Israel, si pengéré-ngéré'enta.”

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

2 Korintus 5:1

Ung kata'uan nai, un awakta im wia ung kaayahan é masuat uman wo un ténda pahento'anta u maléwo'. Si Opo Empung é méhé wia ni kita um walé witi kasendukan. Um walé itii ém winangun ni Opo Empung, zéi'kan maléwo' makaz ing kauré-uré, zéi'kan winangun ni tou.

Efesus 3:1

Pahpaano niitu, ni aku Paulus ém binui pahpaan mahwoka' u Nuwu' Lé'os tumoro si Kristus Yesus wo ung kawangunan niou in tou zéi'kan Yahudi.

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Efesus 6:20

Pahpaan ni aku nimaéndo aatu ni Opo Empung i mahwoka' u Nuwu' Lé'os tumoro si Yesus, niitumo in tarékan ni aku é méiuntep bui. Ipengaléipé'mé wo ni aku zéi'kan maindé' i mahwoka' u Nuwu' Lé'os, un uli-ulit masuat karia u léwo'zéi' in iwoka'ku.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

1 Timutius 6:19

Karia in téntu, ni séra é riméwokola a sangkum i maéndo to'tolan enté' wia ni séra witu un endo mahmurimé i makailek un uli-ulit katou-touan.

2 Timutius 1:16

Mengalé-ngaléi uman si Mahpiara mapaileké u raraatéan-Na wia sé sana awu ni Onesiforus, pahpaan ni séra é makalakezo nimenté' un atéku. Ni sia kasii én zéi'kan maizang i mahileké ni aku im witi bui.

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Ibrani 11:16

Taan in tarékan, ni séra é lumelo un tana' u lumouspé'mé ung kawangunanna, niitu un tana' witi kasendukan. Niitumo si Opo Empung én zéi'kan maizang im pahkuan néra in Opo Empung néra, pahpaan si Opo Empung é nimimeko um wanua tua'na esa wia ni séra.

Ibrani 13:14

Pahpaan im wia ung kaayahan kenu ni kita én zéi'kan siapa um wanua tua'na um pahento'an makaz ing kauré-uré, taan ni kita é mahpenéro um wanua tua'na ento'anta in tumondong witi kasendukan.

Ibrani 13:3

Pahgenangela sé tou witi bui tanumokan ni kamu ém binui karia néra. Pahgenangen kasiila sé tou pahzézéhan tanumokan ni kamu ém pahzézéhan tanu ni séra.

Ibrani 9:15

Pahpaano niitu, si Kristus nimahalimé um pinataazan weru niénéan ni Opo Empung wia sé tou. Karia in téntu, péléng sé tinawah ni Opo Empung é makailek ung kamang zéi'kan mahléwo-léwo'la makaz ing kauré-uré u méitaaz-Na, pahpaan si Kristus nimatémo i maér sé tou im witu un ukuman patéan pahpaan péléng a singkéla' néra, i ni séra mahkiitpé' um pinataazan kataré.

Yakobus 1:2

Katuari-katuariku, mahpaa-paazola zozo' lakez am pema'wa'en pahpendanen niou.

1 Petrus 1:4

Im witu um pahéré'anta itii, pa'émanenta i ni kita én toro makailek a sangkum. A sangkum itii éng kamang ni Opo Empung a méilé'os witi kasendukan an iwéhé wia ni kita. Ang kamang itii én zéi'kan maléwo', zéi'kan makilamu' wo zéi'kan maweles.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.