Ibrani 10:32 - Taaz Weru Witu u Nunuwu'en Tombulu

³² Taan gena-genangen kura ni kamu im puuna i ni kamu taré ma'émanla wia si Yesus. In toro niitu, lakez an zézéha pinendan nioué, taan ni kamu uli-ulit enté' im wana an zézéha.

Ibrani 10:32 Iomraidhean Croise

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

Filipi 3:16

Un totoz ipahpuu-puuna, ung katou-touanta é mahkiitla an tutuzu' ulit mémoituzu' ni Opo Empung makaz in tarékan.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

Ibrani 12:4

Pahpaan ni kamu i mahtututu' mahsaru a singkéla', ni kamu én zéi'kampé' méikaayoma witu u nimazézéha akaz nimaté simaroi un zaha'.

Ibrani 5:12

Un ulitna, in tarékan ni kamu én orasnamo i maéndo méster. Taan makaz in tarékan ni kamu é memandungpé' sé tou walina i mapata'u wia ni kamu an tutuzu' kataré-taré u nimaéndo to'tolan tumoro um pa'émanen niou witu u Nuwu' ni Opo Empung. Ni kamu é memandungpé' u susu, zéi'kampé' mata'u makailek ang kakanen ketéh.

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

Ibrani 6:4

Pahpaan sé tou nima'émanomé wo nimé'annomé ung kamang ni Opo Empung wo sé nimakaileko ung kawasa ni Roh Lenas taan soomo ma'éman, ni séra én zéi'kan mamuali im werun sumaup.

2 Yohanes 1:8

Niitumo tuméga-tégamla, én taa um pa'émanen niou wia si Yesus Kristus um pinaayang naimo im puuna én ikaliong, wo péléng um wawaér wia ni kamu én toro kailekan niou.

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.

Wahyu 3:3

Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.