Ibrani 10:31 - Taaz Weru Witu u Nunuwu'en Tombulu

³¹ Totoz makaindé'en sa kita ukumen ni Opo Empung si menou-nou.

Ibrani 10:31 Iomraidhean Croise

Matius 10:28

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Lukas 12:5

In tarékan én ituzu'-Kuma wia ni kamu séi si léwo'zéi' in ikaindé' niou. Ikaindé'la si Opo Empung, pahpaan ni Sia ém wéwéhan kawasa i munu' un awak niou wo lumombo' si roh niou witi naraka. Uli-ulit ikua-Kuma wia ni kamu, ikaindé'la Sia!

Lukas 21:11

Un éhzo' totoz repet wo a saki melaput karia ang kaahreman é mamuali wana lakez tampa. Wo witi langit é mamuali a makaindé'en wo an zéi'kan kakuaan.

Kisah Rasul-rasul 13:11

In tarékan, ilekenola, si Opo Empung é mukum ni ko. Ni ko é maletok. Woo pirana endo ni ko én zéi'kan mahile-ilekla u sena' ni endo.” In toro niitukan, si tou itii mahpendanla um werenna én tanu a liniklik u semu wo ung karimbengbengan. Karia i mahringka-ringkap ni sia mahpenéro tou i mahkit ni sia.

2 Korintus 5:11

Kata'uan nai ung kalakoan u maindé' si Mahpiara. Niitumo, ni kai é mahtututu' makaz sé tou zéi'kampé' ma'éman é ma'éman wia si Mahpiara. Totoz kata'uan ni Opo Empung um witu un até nai, niitumo ni kai mengalé-ngaléi maan ni kamu é mata'u am witu un até nai mengiit ung genang lé'os niou.

Ibrani 10:27

Sa téntu, ni kita én akazokan i ma'ento' un ukuman makaindé'en wo u layasna un api totoz wuaya u luma'ung makaz i maapu péléng sé tou mahsaru si Opo Empung.

Ibrani 12:29

Pahpaan si Opo Empungta én tanumokan un api mela'ung.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.