Ibrani 10:30 - Taaz Weru Witu u Nunuwu'en Tombulu

³⁰ Pahpaan si Opo Empung si kata'uanta éng kimua, “Ni Aku uman si toro maér wana a léwo'an né tou, pahpaan ni Aku uman si toro méhé un ukuman.” Wo kasii, “Si Opo Empung én tumotoz ulit kaapa zéi'kan am pahwangunen né tou-Na.”

Ibrani 10:30 Iomraidhean Croise

Roma 12:19

Katuari-katuari iraraatéku! Ni kamu én tia'mo menutu' i mahwaér wia sé tou nimangunla a léwo'an wia ni kamu. Taan wéhanla témpo si Opo Empung i mapaileké un upi'-Na, pahpaan witu um Pinantik Lenas é méipantik téntii, “Ni Aku uman si toro maér, ni Akumokan si maér,” Nuwu' ni Opo Empung.

Roma 13:4

Pahpaan sé pemerénta é menanawang ni Opo Empung i maayang tumoro ang kawangunan niou. Taan sa ko mahwangun a léwo'an, ni ko én totoz maindé'la ni séra pahpaan ni séra ém wéwéhan kawasa i mukum ni ko. Sé pemerénta én ata ni Opo Empung i mapailek un upi'-Na wia sé tou mahwangun a léwo'an.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.