Ibrani 10:29 - Taaz Weru Witu u Nunuwu'en Tombulu

²⁹ Tantumo lumouspé'mé ung kawutezna un ukuman wia si tou mahséro' wia si Oki' ni Opo Empung wo mahgenangla un zaha' ni Yesus Kristus u lumenas sé tou én zéi'kan siapa torona wo mahséro' wia si Roh si mahtambéré ang kamang.

Ibrani 10:29 Iomraidhean Croise

Matius 26:28

Pahpaan ung kenumo un zaha'-Ku, un zaha' nimenté' um pinataazan ni Opo Empung, un isaroi wia sé tou lakez i méhé un ampungan wana a singkéla' néra.

Matius 7:6

Tia' mahwéhé u lenas wia si asu én taa si asu itii mézuméha ni kamu. Wo tia' mahwéhé u mutiara wia si wawi én taa niitu maipeléé-léékna uman.”

Markus 7:2

Ileken nérama sé woopira im wia sé pahtuzu'en ni Yesus é mahlengen i mahkan taan zéi'kan zimano. Mengiit ung kinanaram né nimaopota un téntu é makati'tiren.

Lukas 12:10

Si tou mahkuama a mahsaru si Oki' ni Tou, ni sia ém wéhan ampungan. Taan si tou mahséro' wia si Roh Lenas, ni sia én zéi'kan wéhan ampungan.

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 17:19

Ni Aku nimayo un tou-Ku i maéndo anu ni Ama' uman pahpaan sé pahtuzu'eng-Ku, wo séra mayo un tou néra wia si Ama' mengiité ung kaulitan u nuwu' ni Ama'.

Kisah Rasul-rasul 7:51

É kamu sé tampezéi' wo kimawal! Ni kamu sekezé é mahsaru si Roh Lenas masuat wo sé nimaopo niou.

Roma 16:20

Si Opo Empung si mahwéhémé ung kaluasan witu un até é rengan ing kumemuma si tonaas né sétang wo mangun ni sia ing kawasaan niou. Mengalé-ngaléi uman, ung kamang tatambér ni Yesus, si Mahpiarata é menaté-natér ni kamu!

1 Korintus 11:27

Niitumo, séi si kiman u roti wo nimelep un anggor witu um pengengelepan ing gumenang um patéan ni Mahpiara taan am pahwangunenna i mahkan u roti wo mahelep un anggor witu um pengengelepan én zéi'kan wangun, si tou itii é nimangunola u singkéla' pahpaan ni sia én zéi'kan mahsigi' un awak wo un zaha' ni Yesus si Mahpiara.

1 Korintus 11:29

Pahpaan séi si kiman u roti wo nimelep un anggor, taan zéi'kan mahsigi' un awak ni Yesus si Mahpiara, ni sia é makailek un ukuman ni Opo Empung.

1 Korintus 15:25

Pahpaan puunala ung kaayahan i mazéi', si Kristus é léwo'zéi' merénta ing Kolano makaz si Opo Empung kumala péléng sé kakoro'-Na. Sé kakoro'-Na itii én iwéhé-Na witu u léléék ni Kristus.

1 Korintus 15:27

Pahpaan witu um Pinantik Lenas é méipantik in téntii, “Pinakakalamo ni Opo Empung wo niana péléng ém witumo ung kawasa ni Kristus.” Niitu un tumuzu'mé wia ni kita sa péléng sé kinalamo éng kinawasamo ni Kristus. Taan si zéi'kan kinawasa-Na é si Opo Empung, pahpaan si Opo Empung si nimangun niana péléng makaz ing kinawasa ni Kristus.

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

Ibrani 10:10

Pahpaan un ikapaaz ni Opo Empung itiimo, ni kita maéndo tou linenas-Na, i si Yesus Kristus nimayo un tou-Na makasa uman makaz ing kauré-uré i meresi a singkéla' né tou.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 13:20

In tarékan si Opo Empung si mahwéhémé ung kaluasan witu un até én timoumomé sumaup si Yesus im wia sé nimaté. Si Yesus si Mahpiarata ém winangun ni Opo Empung i maéndo menanatér sé tou-Na, si totoz wangko', tanu si memimiara sé domba, si totoz pahsigi'en. Wo un zaha'-Na é nimangun um pinataazan ni Opo Empung karia né tou makaz ing kauré-uré.

Ibrani 2:11

Si Yesus si limenas sé tou ma'éman wo ni séra sé linenas-Na ém péléng wia si Esa Ama' a méyé, ni Siamo si Opo Empung. Niitumo, si Yesus én zéi'kan maizang i mahkua ni séra ing katuari-Na.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 4:14

Pahpaan kita in tarékan é makaanumo si Walian Totoz Wangko', si nimangémomé witi kasendukan, si Yesus, si Oki' ni Opo Empung, niitumo tio-tionan um pa'émanenta.

Ibrani 6:4

Pahpaan sé tou nima'émanomé wo nimé'annomé ung kamang ni Opo Empung wo sé nimakaileko ung kawasa ni Roh Lenas taan soomo ma'éman, ni séra én zéi'kan mamuali im werun sumaup.

Ibrani 6:6

taan maapuma niitu, ni séra soomo ma'éman, zéi'kan mamuali im werun sumaup in tumula'u a singkéla'. Ni séra én tanu simalip sumaup si Oki' ni Opo Empung wo mahséro' wia ni Sia witu u sinaru né tou lakez.

Ibrani 9:13

Kata'uantamo mengiit un ukum Torat, un zaha' ni kambing tuama wo un zaha' ni sapi tuama wo un awu ni sapi oki' si lina'ung én ipahpikpika witu un awak né tou sé makati'tiren mengiit un ukum Torat im puuna, wo un awak néra maweresi, taan zéi'kan meresima un até néra,

Ibrani 9:20

karia i mahkua, “Niiamo un zaha' u menté' um pinataazan ni Opo Empung u léwo'zéi' im pahkiitan niou.”

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,