Ibrani 10:24 - Taaz Weru Witu u Nunuwu'en Tombulu

²⁴ Méyémo kita mahwéha-wéhan genang wia si esa wo si esa, wo kita toro mahsawa-sawangan i rumaraaté sé kasuat tou wo mahwangun a lé'os.

Ibrani 10:24 Iomraidhean Croise

Kisah Rasul-rasul 11:29

Tumalingamé niitu, sé tou ma'éman si Yesus én timotozla i ruméwok a sasawang mengiit ung kawawaan ni esa wo ni esa im pahalin wia sé katuari esa pa'émanen sé mahento' witi tana' Yudea.

Roma 11:4

Taan kura u méiwingkotla ni Opo Empung wia ni sia? Kuan-Na, “Méitampas-Kumola sé pituna riwu tou i maéndo anu-Ku, sé zéi'kan kawisa mahongkot wo mahsigi' wia si Baal.”

Roma 12:15

Mahpaa-paazola karia né tou mahpaa-paaz wo mamé'mola karia né tou mahamé'.

1 Korintus 10:33

Tanu ni aku mahtututu' i mahwangun péléng sé tou i mahpaa-paaz im wana péléng am péléng. Niana ém pahwangunengku zéi'kan pahpaan ung kawangunangku, taan ung kawangunan né tou lakez, wo séra toro ipiloté im witu un ukuman wana a singkéla'.

1 Korintus 9:22

Sa aku kimaria sé tou zéi'kampé' tahlous enté' um pa'émanen, ni aku é mahasa-asar ni séra, wo ni aku toro sumawang ni séra i ma'éman wia si Kristus. Winangunku ung katou-touangku én tanu ni séra péléng, wo wéwéhan sé wia ni séra sé toro ipiloté im witu ukuman wana a singkéla'.

2 Korintus 8:8

Ni aku i mahkuama niitu én zéi'kan mahperénta ni kamu, taan mahwa'wa' uman u raraatéan niou wia sé tou. Niitumo ni aku kimua wia ni kamu, kura sé tou walina i mahtututu' mahsawang sé tou.

2 Korintus 9:2

Pahpaan kata'uangkumo i ni kamu én totoz mahpaa-paaz i sumawang. Ni kamu é méipahloo-loozku wia sé tou ma'éman witi Makedonia. Méipahkuakumola wia sé tou ma'éman witi Makedonia sa ni kamu im witi Akhaya i nanta'un é nimimeko i méhé an zoit sasawang. In tarékan, ung kapaaz niou itii é nimangun sé tou ma'éman witi Makedonia in totoz mahpaa-paaz kangkasii mahwéhé an zoit sasawang.

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Galatia 6:1

Katuari-katuari, sa im wia ni kamu ém wéwéhan sé kinata'uan i mahmuali u singkéla', ni kamu sé mahkiit um paaz ni Roh Lenas é léwo'zéi' mahkit si tou itii witu u lalan kaulitan. Wangunela niitu karia in eluz uman wo mile-ilek én taa un toumu in esa ikakiit i mahsingkéla' tanu si tou itii.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

1 Tesalonika 5:11

Pahpaano niitu, ni kamu si esa wo sé walina é léwo'zéi' mahsésésaala wo maheenté'ala un até, tanu am pahwangunen niou makaz in tarékan.

2 Tesalonika 3:9

Ni kai mahwangun an téntu zéi'kan pahpaan ni kai én zéi'kan siapa u léwo'zéi' ing kailekan naimé im wia ni kamu, taan ni kai mahtututu' i mahpaayang, wo toro maéndo kékéréan niou.

1 Timutius 6:18

Ipapagenangla wia ni séra wo séra mahwangunla am wangun, mawa'ilan wana am wangun, paaz mahsawang wo paaz mahtambér.

Titus 2:4

wo séra toro mahtuzu' sé wéwéné tuari néramé i rumaraaté si mahayo wo sé oki' néra,

Titus 3:8

Péléng a méikuakuma kenu én ulit wo kapaazku péléng niitu én uli-ulit ikuala, wo sé tou ma'émano wia si Opo Empung én uli-ulit mahtututu' i mahpaayang am paayangen wangun. Nianamo a lé'os wo wéwéhan torona wia sé tou.

Ibrani 13:1

Katuari-katuari, tia'mo kumana' i mahraa-raatéan si esa wo si esa.

Ibrani 13:3

Pahgenangela sé tou witi bui tanumokan ni kamu ém binui karia néra. Pahgenangen kasiila sé tou pahzézéhan tanumokan ni kamu ém pahzézéhan tanu ni séra.

Ibrani 3:13

Taan mahsésésaala si esa im wia sé walina sekez in endo, in toropé' taré kumua “endo kenu”, wo zozo' in esa im wia ni kamu én zéi'kan siapa si matampezéi' pahpaan tinowoan a singkéla'.

1 Yohanes 3:18

É kamu in oki'ku, méyémo kita mahraa-raatéan zéi'kan uman witu u sumah kaapa witu u lila', taan wana am pahlé'osen wo witu ung kaulitan.