Ibrani 10:22 - Taaz Weru Witu u Nunuwu'en Tombulu

²² Niitumo, méyémo kita rumété si Opo Empung karia ung genang lé'os wo uli-ulit ma'éman uman wia ni Sia. Pahpaan tanumokan im pinikpikana un zaha' in zuméi' a singkéla', a léwo'an witu un atéta ém wineresimoma ni Yesus wo un awakta én tanu wino'asano karia un zano totoz weresi wo kita toro rumété wia si Opo Empung.

Ibrani 10:22 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Lukas 1:1

Ama' Teofilus pahsigi'engku, lakez sé tou nimahtututu'la i nimantik tumoro a nimamuali i si Yesus memali-malipé' karia ni kita.

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 8:9

Taan in timalingamoma u méikuama itii, ni séra mena'samé i mahtingkasé, rengané wia si totoz tu'a. Ing kamurian sé méikatezama akazokan si Yesus karia ni wéwéné itii si merenda-rendai witu un tampana.

Kisah Rasul-rasul 22:16

Wo in tarékan, kaa ko mahzua-zuapé' genang? Rumendaiomé wo iwéhémola un toumu i saranin wo mengaléiola wia si Mahpiara, wo a singkéla'mu zéi'en-Na.’

Kisah Rasul-rasul 8:21

Ni ko én zéi'kan siapa katoroan im wana am pahpaayangen nai. Pahpaan un atému én zéi'kan ulit im witu u sinaru ni Opo Empung.

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Efesus 3:12

Pahpaan ni kita nimaesamo karia ni Kristus wo kita ma'émano wia ni Sia, niitumo ni kita ém wéwéhano lalan i rumété wia si Opo Empung wo zéi'mo maindé' i rumété wia ni Sia.

Efesus 5:26

Ni Sia nimanguna un téntu, wo Sia toro lumenas sé jamaat-Na, meresi sé jamaat-Na karia un zano pahsarani wo karia u Nuwu' ni Opo Empung.

Efesus 6:5

É ata, ni kamu é mahtali-talingala wia sé tuang niou sé wia ung kaayahan. Ni kamu in ata én uli-ulit i maindé', mahtali-talinga wo mahsigi' sé tuang niou tanu ni kamu in uli-ulit mahtali-talinga wo mahsigi' si Kristus.

1 Timutius 4:2

an ipahkuamé mengiité sé tou léwo' sé mahtowo i lé'os karia an towo néra. Ung genang lé'os néra én zéi'mo mata'u wisa un ulit wo wisa u simala'.

Titus 3:5

in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

Ibrani 10:1

A méipantik witu un ukum Torat én tanumokan um wangun u mahéyé taan zéi'kan totoz masuat karia un ulitna um wangun itii. Sa ikiit un ukum Torat, sekez in ta'un, sé tou paaz marumété wia si Opo Empung é léwo'zéi' i mahalima sé tatamun kinerizo in iragés, taan un ukum Torat itii én zéi'kan mamuali i mangun sé tou maéndo zéi'kan siapa pahséro'an.

Ibrani 10:19

Niitumo katuari-katuari, pahpaan un zaha' ni Yesus é méikasaroi in zuméi' a singkéla'ta, in tarékan ni kita én zéi'mo maindé' i muntep witi Tampa Totoz Lenas.

Ibrani 11:28

Pahpaan i ma'éman, si Musa nimatu sé tou Israel i lumé'os un endo wangko' um pahkuan Paskah wo mahpikpika un zaha' wana am pepenet am walé né tou Israel, wo am walé itii én talezen umana ni malaekat um patéan si mahwunu' sé koki' tu'a.

Ibrani 12:24

Ni kamu kasii mahilekan karia ni Yesus Kristus si nimahalimé un taaz weru u niénéan ni Opo Empung wo karia un zaha'-Na u nimangun sé tou nimaweresi, taka-takazan si Opo Empung niméhé ampungan wana a singkéla' né tou. Niitumo, un zaha' ni Yesus é lumouspé'mé ung kawangunan un zaha' ni Habel. Pahpaan un zaha' ni Habel é méisaroi pahpaan un téutéu.

Ibrani 4:16

Niitumo, tia'mo kita maindé' i rumété wia si Opo Empung si rimumez witu u rurumezan-Na ing Kolano. Pahpaan i ni kita mangé witu u sinaru-Na, si Opo Empung é rumaraaté ni kita, zéi'kan mengiit un zéi'kan enté' wia ni kita, taan mengiit ung kalé'osan-Na. Si Opo Empung én tumambéré ang kamang wo menté' ni kita, wo kita tulungen-Na witu un oras ni kita i mekitulung.

Ibrani 6:11

Taan un ikapaaz nai, ni kamu si esa wo si esa én uli-ulit i mahraa-raatéan makaz ni kamu ing kalekepala, wo am pengéré-ngéré'en niou é makailekan niou.

Ibrani 7:19

Pahpaan karia i mahkiit un ukum Torat, zéi'kan siapa zozo' in esa si tou niéndo ulit. Taan in tarékan ni kita ém winéhan um pahéré'an u lumouspé'mé un uré, un toro mangun ni kita ing karéténa wia si Opo Empung.

Ibrani 9:10

Pahpaan péléng am pahwangunen néra itii én tumoro uman ang kakanen, am pahelepen wo am pahwangunen néra i meresi un tou néra mengiit um pakahragés né tou Israel. Péléng niitu én tinotoz uman né tou, zéi'kan mangun sé tou maéndo ulit witu u sinaru ni Opo Empung. Péléng an tinotoz an toro pahileken itii én zéi'kan mauréma, makaz uman si Opo Empung i mangun péléng am péléng nimaweru.

Ibrani 9:19

Pahpaan i si Musa nimapata'u péléng un ukum Torat wia sé tou Israel, ni sia é niméndomé un zaha' ni sapi oki' wo un zaha' ni kambing tuama u sinembor karia un zano, an ipahpikpika witu um pinantikan ung kitap Torat wo wia sé tou Israel, nimaké um wuuk rangdang ni domba wo u hisop,

Yakobus 1:6

Taan sa sia mahaléi niitu é léwo'zéi' karia um pa'émanen wo zéi'kan mahzua-zua genang. Pahpaan si tou mahzua-zua genang éng kasuat u sempa' witi tasik, um pemolé-moléi uman u reges wayaan ung kasaruan.

Yakobus 4:8

Rumétéla wia si Opo Empung, ni Sia kangkasii é rumété wia ni kamu. Weresila u lengen niou, é kamu in tou mahsingkéla', wo weresila un até niou, é kamu sé mahzua-zua genang!

1 Petrus 1:2

Si Opo Empung, Ama'ta é niméléngo ni kamu mengiité ung ginenang-Na rengané im puuna. Si Roh Lenas si limenas ni kamu wo kamu mahwangun ang kapaaz ni Yesus Kristus, wo kamu weresin im wana a siningkéla' niou karia im pinikpikan un zaha'-Na. Mengalé-ngaléi uman ung kamang tatambér ni Opo Empung wo ung kaluasan witu un até é menaté-natér ni kamu.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.

Wahyu 1:5

wo um wia si Yesus Kristus si toro pa'émanen i mahkua ang kata'uan-Na tumoro si Opo Empung. Ni Sia si kataré-taré méitoumé sumaup im wia sé nimaté. Wo ni Sia kasii si mahkawasa im wia sé kolano wia ung kaayahan kenu. Ni Sia é rumaraaté ni kita wo nimilot ni kita im wana a singkéla'ta karia un zaha'-Na,