Ibrani 1:2 - Taaz Weru Witu u Nunuwu'en Tombulu

² Taan in tarékan, im wana an endo kaakazan ung kaayahan kenu, ni Sia é nimuwu' wia ni kita mengiité si Oki'-Na, si tinotozo i maéndo makaanu péléng am péléng. Mengiité si Oki'-Na, si Opo Empung nimangun péléng am péléng.

Ibrani 1:2 Iomraidhean Croise

Matius 13:39

Si kakoro' si kimeroza am watuna an tatanemen tanu ang gandum é si tonaas né sétang. Un oras i mupu' én endo ka- akazan ung kaayahan. Wo sé tou mengungupu' itii é sé malaekat.

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 21:38

Taan i si oki' ni makauma niileka né mememendu itii, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu é maéndo anuta.’

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Markus 1:1

Ung kenumo ung kataré-taré witu u Nuwu' Lé'os tumoro si Yesus Kristus, si Oki' ni Opo Empung.

Markus 12:6

In tarékan im wia ni sia ém wéwéhampé' si esa si nimatezama, ni siamo si oki'na si ikararaaténa. Ing kamurian, iatunama si oki'na itii mangé wia ni séra, kuanna, ‘Tantumo si oki'ku ém pahsigi'en néra.’

Markus 12:7

Taan sé mememendu itii mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu maéndo anuta.’

Yohanes 1:10

Taan un ulitna u sena' itii ém wiamo ung kaayahan kenu wo ung kaayahan kenu ém winangun mengiité ni Sia, taan péléng sé tou wia ung kaayahan kenu zéi'kan mata'u ni Sia.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:3

Peléng am péléng ém winangun ni Opo Empung mengiité u Nuwu' ni Opo Empung. Wo zéi'kan siapa zozo' in esa im wia péléng am winanguno kenu ém winangun sa zéi'kan siapa u Nuwu' ni Opo Empung.

Yohanes 13:3

Si Yesus mata'u i si Ama' é niméhémo péléng am péléng wia ni Sia. Wo ni Sia ém wia si Opo Empung a méyé wo mawuri sumaup wia si Opo Empung.

Yohanes 13:32

Sa si Opo Empung pahloozen wo pahsigi'en mengiité ni Sia, si Opo Empung kangkasii é mangun si Oki' ni Tou pahloozen wo pahsigi'en né tou. Wo ni Sia é rengan i loozen wo sigi'en ni Opo Empung.

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Yohanes 16:15

Péléng an anu ni Ama' én anu-Ku, niitumo ni Aku kumuama: ni Sia é makumua wia ni kamu ang kinailekan-Na im wia ni Aku.”

Yohanes 17:2

Si Ama' é niméhémo ung kawasa wia ni Aku ing kumawasa wia péléng sé tou, wo sé tou méiwéhé-Mu wia ni Aku ém wéhang-Ku ung katou-touan makaz ing kauré-uré.

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Yohanes 3:25

Sé woopira pahtuzu'en ni Yohanes Menanarani é mahéndo-éndoan karia ni tou Yahudi tumoro u mememeresi un tou mengiit ung kinanaram né tou Yahudi.

Yohanes 5:26

Pahpaan tanu si Ama' si mahkawasa mahwéhémé ung katou-touan, téntu kangkasii si Ama' niméhé ung kawasa wia si Oki'-Na i mahwéhé ung katou-touan.

Yohanes 5:27

Si Ama' é niméhé ung kawasa wia si Oki'-Na in tumotoz ulit kaapa zéi'kan am pahwangunen né tou pahpaan ni Sia én Oki' ni Tou.

Yohanes 9:29

Kata'uan nai si Opo Empung éng kimuamo wia si Musa. Taan tumoro si tou itii, zéi'kan kata'uan nai wisa Sia a méyé.”

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 2:17

‘Wana an endo kamurian, si Roh-Ku én iwéhé-Ku wia péléng sé tou. Wo sé oki' niou sé tuama wo wéwéné é mapata'u wia sé tou a méikua-Ku wia ni séra. Sé tarétumou wo sé raraha niou ém wéwéhan un ipapailek ni Opo Empung, wo sé tu'a ém wéhan ni Opo Empung un ipi.

Roma 1:4

Wo karia ung kawasa ni Roh Lenas ni Sia é méitoumomé sumaup im wia sé nimaté un tumuzu'mé i ni Siamo si Yesus Kristus Mahpiarata, si Oki' ni Opo Empung si mahkawasa.

Roma 8:17

Sa ni kita én oki'-Na, ni kita kangkasii é maéndo tou makasangkum a méitaaz ni Opo Empung. Ni kita é makailek a sangkum itii karia ni Kristus. Niitu éng kailekanta sa ni kita mazéha karia-Na, wo ni kita kangkasii é loozen wo sigi'en karia-Na.

1 Korintus 2:7

Taan an ipahwoka' nai itii éng katulapan ni Opo Empung a méikawunipé' wo zéi'kampé' kata'uan. Ang katulapan ni Opo Empung itii é niimek-Namo puunala ung kaayahan kenu im winangun. Niitu ém winangun ni Opo Empung wo kita sigi'en wo loozen.

1 Korintus 8:6

taan im wia ni kita: si Opo Empung én esa uman, ni Siamo si Ama'ta. Ni Sia si nimangun péléng am péléng wo pahpaan ni Sia kita menou-nou. Si Mahpiara én esa uman, ni Sia é si Yesus Kristus. Pahpaano ni Sia am wangunen péléng am péléng, pahpaano ni Sia ni kita én toro menou-nou.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

Efesus 1:10

Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

Efesus 3:9

Ni aku kasii én tinambéran ung kamang i mapata'u wia péléng sé tou ung ginenang ni Opo Empung u méikawunipé' itii. Pahpaan ung ginenang itii é méiwuni ni Opo Empung rengan ung kaayahan im winangun-Na, si nimangun péléng am péléng.

Ibrani 1:5

Pahpaan wia si séi im wia sé malaekat kinuaano ni Opo Empung un téntii, “Ni Komo si Oki'-Ku! In endo kenu ni Aku kumua i ni Ko én Oki'-Ku?” Wo, “Ni Aku é maéndo Ama'-Na, wo ni Sia é maéndo Oki'-Ku?”

Ibrani 1:8

Taan tumoro si Oki'-Na, si Opo Empung éng kimua, “U rurumezan-Nu ing Kolano, o Opo Empung, makaz ing kauré-uré. Ni Ko i mahperénta é mahperénta karia ung kaulitan.

Ibrani 11:3

Pahpaan i ma'éman, ni kita é makatulap ung kaayahan ém winangun mengiité u Nuwu' ni Opo Empung. Niitumo, péléng am pahilekenta ém winanguné im wana an zéi'kan kailekan.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

Ibrani 3:6

Taan si Kristus in Oki' ni Opo Empung é si mahwangun a méiatu ni Opo Empung im witu um walé-Na wo ni kitamo um walé-Na itii, sa kita zéi'kan mazéi' in totoz ma'éman wo niméré' uman un iwéhémé ni Opo Empung u mangun ni kita i mahpaa-paaz.

Ibrani 4:14

Pahpaan kita in tarékan é makaanumo si Walian Totoz Wangko', si nimangémomé witi kasendukan, si Yesus, si Oki' ni Opo Empung, niitumo tio-tionan um pa'émanenta.

Ibrani 5:8

Zozo' ni Sia én Oki' ni Opo Empung, taan pahpaan am pengalin-Na, ni Sia é mata'umo kura u mahtali-talinga wia si Opo Empung.

Ibrani 7:28

Pahpaan wana un ukum Torat é méitotoz kura sé tou mahsingkéla' i maéndo Walian Wangko'. Taan un tiwa' méikua ni Opo Empung maapuma un ukum Torat itii i méiwéhé én timotoz si Oki'-Na i maéndo Walian Wangko', si zéi'kan siapa pahséro'an makaz ing kauré-uré.

Ibrani 7:3

Zéi'kan siapa si mata'u séi si ama', si ina' kaapa sé nimaopo ni Melkisedek. Téntu kangkasii zéi'kan méipantik witu um Pinantik Lenas ing kawisa sia nimatou wo ing kawisa sia i nimaté. Ni sia ém pinasuat karia ni Oki' ni Opo Empung, ni sia ém walian makaz ing kauré-uré.

Ibrani 9:26

Pahpaan sa téntu, tantumo ni Sia é léwo'zéi' mazézéha makaz i maté menau-naup rengané ung kaayahan kenu im winangun. Taan wana an endo kaakazan ung kaayahan kenu, ni Sia é makasa uman niméyé i mayo un tou-Na, maéndo raragés in tumubus a singkéla'ta.

1 Petrus 1:20

Si Kristus ém pinéléngo ni Opo Empung puunala ung kaayahan kenu im winangun. Wo wana an endo kaakazan ung kaayahan kenu, ni Sia é niméyémoma wia ung kaayahan wo kamu toro ipilot im witu un ukuman wana a singkéla'.

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.

Yudas 1:18

Pahpaan ni séra éng kimuamo wia ni kamu, “Merétéma ung kaakazan ung kaayahan, mondolé sé menénéro', sé menou-nou mahkiit uman a lelo léwo' un awak néra.”