Galatia 1:2 - Taaz Weru Witu u Nunuwu'en Tombulu

² Um pinantik kenu kasii ém wia péléng sé katuari esa pa'émanen sé memali-mali kariaku wia'i a mangé, iwéhé wia sé jamaat witi Galatia.

Galatia 1:2 Iomraidhean Croise

Kisah Rasul-rasul 15:41

a séra malumiklik witi Siria wo witi Kilikia. Im wana séra zua é mahenté' um pa'émanen né jamaat.

Kisah Rasul-rasul 18:23

Ni sia nimento' witu ém woopirana endo. A sia malumiklik am wanua witi tana' Galatia wo Frigia i mamenté' un até né tou ma'éman witu.

Kisah Rasul-rasul 9:31

Kumawusa niitu, péléng sé jamaat witi Yudea, Galilea wo Samaria é mahlé'o-lé'osan. Pahpaan u sasawang ni Roh Lenas, um pa'émanen néra éng kaenté'namo, maindé' wia si Opo Empung wo ni séra kangkasii éng kalakeznamo.

1 Korintus 16:1

In tarékan én tumoro an zoit pahréwoken niou in isawang sé tou linenas ni Opo Empung sé witi Yerusalem. Totoz pahwangunen nioula niana masuat wo a méipahtuzu'ku wia sé jamaat witi Galatia.

Galatia 3:1

É kamu tou ma'éman witi Galatia sé lemou! Séi si rimiarala ni kamu taka-takazan ni kamu én timamburimola wia si Yesus Kristus? Zéi'kankuaa méipapata'ukumola lumé'o-lé'os wia ni kamu tumoro si Yesus Kristus si nimaté witu u salip itii?

Filipi 2:22

Taan ni kamu nimileko un ulitna si Timotius. Pahpaan ni sia é nimapaileko i ni sia én toro pa'émanen wo uli-ulit mahpaayang i mahsawang ni aku i mahwoka' u Nuwu' Lé'os tumoro si Yesus, tanumokan si koki' mahsawang si ama'na.

Filipi 4:21

Ipapaayopé'la u sigi'ku wia péléng sé tou linenas pahpaan ma'éman si Kristus Yesus. Sé katuari esa pa'émanen sé mahwali-wali kariaku kasii é mapaayoma u sigi' néra wia ni kamu.