Filipi 4:9 - Taaz Weru Witu u Nunuwu'en Tombulu

⁹ Péléng am pinahtata'u niouo wo péléng ang kinailekan niouo, wo péléng an tinalinga niouo wo péléng a niilek niouo wia ni aku, pahwangunela niitu. Karia in téntu, si Opo Empung si mahwéhémé ung kaluasan witu un até é lamahwali-wali karia niou.

Filipi 4:9 Iomraidhean Croise

Matius 1:23

“Un ulitna, si raraha itii é mahawa-awak wo tumou si lowai wo ni Sia é ngaranan néra Imanuel.” (Ung kalakoana: Si Opo Empung é menaté-natér ni kita).

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Matius 7:21

Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Lukas 6:46

Ang kuan kasii ni Yesus, “Kaa kamu mahtawah ni Aku, ‘Tuang, Tuang’, taan ni kamu én zéi'kan mahwangun an ipahkua-Ku?

Lukas 8:21

A si Yesus mingkotla, “Si ina'-Ku wo sé katuari-Ku é sé tou mahtalinga wo mahwangun u Nuwu' ni Opo Empung.”

Yohanes 13:17

Sa niia péléng kinata'uan niouola, ni kamu é mahpaa-paaz sa ni kamu mahwangun niana.

Yohanes 15:14

Ni kamu éng kakaria-Ku, sa ni kamu mahwangun a méiperénta-Ku wia ni kamu.

Yohanes 2:5

Taan si ina' ni Yesus éng kimuama wia sé menenelewir, “Wangunela apa un ikua-Namé wia ni kamu.”

Kisah Rasul-rasul 9:6

Taan in tarékan é rumendaiomé wo muntepoma witi Damsyik. Im wanamokan wo ko makuaan apa u léwo'zéi' im wangunennu.”

Roma 15:33

Si Opo Empung si mahwéhémé ung kaluasan witu un até é menaté-natér ni kamu péléng! Amin.

Roma 16:20

Si Opo Empung si mahwéhémé ung kaluasan witu un até é rengan ing kumemuma si tonaas né sétang wo mangun ni sia ing kawasaan niou. Mengalé-ngaléi uman, ung kamang tatambér ni Yesus, si Mahpiarata é menaté-natér ni kamu!

1 Korintus 10:31

Niitumo, sa kamu kuman kaapa melep kaapa mangunla am walina, wangunen nioula niana péléng i sumigi' wo lumooz si Opo Empung.

1 Korintus 14:33

Pahpaan si Opo Empung é soo un zéi'kan siapa kaimekan, ung kapaaz-Na é matu'tul.

1 Korintus 4:16

Niitumo pahaléiengku wia ni kamu, mahkéréla wana am pahwangunengku.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Filipi 3:17

Katuari-katuari, kéréala am pahwangunengku wo pahwéhanla genang sé menou-nou tanu ni kai sé tou toro maéndo kékéréan niou.

Filipi 4:7

Sa kamu mengaléi tanu niitu, si Opo Empung é méhé ung kaluasan witu un até niou, ung kumelung un até wo ung genang niou, pahpaan nimaesa karia ni Kristus Yesus. Ung kaluasan witu un até u méiwéhémé ni Opo Empung itii, zéi'kan katulapan karia ung katulapan niou in tou uman, pahpaan niitu ém wia si Opo Empung in esa a méyé.

1 Tesalonika 1:6

Ni kamu é nimahkérémola wia ni kai wo nimahkérémola wia si Yesus Mahpiara. Zozo' ni kamu én totoz zézéha, ni kamu é simungkul u Nuwu' ni Opo Empung un ipahtuzu' nai wia ni kamu karia u mahpaa-paaz u méiwéhémé ni Roh Lenas.

1 Tesalonika 2:14

Katuari-katuari! Am pinendan nioué ém pinendano kangkasiimé né jamaat ni Opo Empung witi Yudea sé nimaéndo anu ni Kristus Yesus. Ni kamu pinahzézéhamé né kawanua nioukan tanu am pinendané né jamaat ni Opo Empung witi Yudea im pinahzézéhamé né tou Yahudi.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

2 Tesalonika 3:4

Totoz pa'émanen nai wia si Mahpiara un tumoro ni kamu, i ni kamu é mahwangun a méipahtuzu' nai wo zéi'kan mazéi' i mahwangun a méituzu' nai itii.

2 Timutius 4:22

Si Yesus Mahpiara é menaté-natér ni ko. Mengalé-ngaléi uman ung kamang tatambér-Na é menaté-natér ni kamu!

Yakobus 1:22

Ni kamu é léwo'zéi' i mahwangunla u nuwu' ni Opo Empung, zéi'kan uman mahtalinga niitu. Pahpaan sa zéi'kan téntu, ni kamu é mahtowomo witu un tou niou in esa.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.

1 Yohanes 3:22

wo apa uman am pahaléienta wia ni Sia éng kailekanta, pahpaan ni kita é mahkiit péléng am perénta-Na wo mahlé'os péléng ang kapaaz-Na.