Filipi 4:6 - Taaz Weru Witu u Nunuwu'en Tombulu

⁶ Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

Filipi 4:6 Iomraidhean Croise

Matius 10:19

Sa kamu iayo nérala, tia'mo ikaarét niou tumoro kura wo apa a léwo'zéi' in ikua niou. Pahpaan in toro niitukan niana péléng én itambér wia ni kamu.

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 6:34

Pahpaano niitu, tia'mo ikaarét niou tumoro u mamuali i sando, pahpaan i sando ém wéwéhan ung kasusaana in esa. Ung kasusaan in endo kenu én tia'mo pengawe-ngawesen.”

Matius 6:8

Niitumo, ni kamu én tia' tanu ni séra, pahpaan kata'uan ni Ama' niou am pemandungen niou, puunala niana im pahaléien niou wia ni Sia.

Lukas 10:41

Taan ni sia ém winingkot umanla ni Yesus, “Marta, Marta, ni ko én tahlous maarét wo tahlous mahsususa un toumu in esa wana péléng am péléng,

Lukas 12:22

Ang kuan ni Yesus wia sé pahtuzu'en-Na, “Niitumo ikua-Kuma wia ni kamu, tia'mo ikaarét ung katou-touan niou, tumoro ung kanen niou wo tia' kangkasii ikaarét un awak niou, tumoro ang karaien niou.

Lukas 12:29

Niitumo, tia'mo kamu megena-genang ang kanen wo an elepen niou wo tia'mo paharétan un até niou.

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

1 Korintus 7:21

Tia'mo ikasusamu sa ko ata an tawahela ni Opo Empung ing kumiit ni Sia. Taan sa ko winéhan un oras in zéi'mo ata né tou walina, éndola un oras itii.

1 Korintus 7:32

Ung kapaazku, ni kamu én zéi'kan siapa an ikaarét. Si tuama zéi'kan siapa mahayo, um pegena-genangenna um pahpaayangen wia si Mahpiara, pahpaan u lelona é mangun si Mahpiara i mahpaa-paaz.

2 Korintus 1:11

Ni kamu kangkasii simawangomé i mahpengaléi ni kai. Niitumo, si Opo Empung niméhé un tatambér wia ni kai i ni Sia timalinga am pengaléien tumoro ni kai, wo lakez sé tou kumua u makasé wia ni Sia.

Efesus 5:20

Apa uman u nimamuali wia ni kamu sekezé é mapaayola u makasé wia si Opo Empung si Ama'ta witu u ngaran ni Yesus Kristus Mahpiarata.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Kolose 3:15

Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

Kolose 4:2

Tia' mazéi' i mengaléi wia si Opo Empung wo tuméga-tégamla karia i mahkua u makasé wia si Opo Empung.

1 Timutius 2:1

Um puuna isésakuma én téntii: Ipapaayola um pengaléiennu wia si Opo Empung, mahaléila wia si Opo Empung tumoro am pemandungennu, ipengaléila sé tou walina wo kumuala u makasé wia si Opo Empung pahpaan um winangun-Na wia péléng sé tou.

1 Timutius 5:5

Si wéwéné mahesa-esamokan, si uli-ulit menou-nou mengesa-ngesamokan wo zéi'kan siapa koki' kaapa puyun, ni sia é niméré' uman wia si Opo Empung. Endo wo wengi ni sia é mengaléi wo mekisawang wia si Opo Empung.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

1 Petrus 5:7

Iayola wia ni Sia péléng an ikaarét niou, pahpaan ni Sia én totoz mahwéhé genang wia ni kamu.