Filipi 4:5 - Taaz Weru Witu u Nunuwu'en Tombulu

⁵ Mahtututu'la wo ung kalé'osan un até niou éng kata'uana péléng né tou. Pahpaan un endo si Yesus Mahpiara i mawurimé sumaup éng kaleleznamo.

Filipi 4:5 Iomraidhean Croise

Matius 6:25

“Niitumo ikua-Kuma wia ni kamu: Tia'mo ikaarét ung katou-touan niou, tumoro ung kanen kaapa un elepen niou wo tia' kangkasii ikaarét un awak niou, tumoro ang karaien niou. Zéi'kankuaa ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai?

Matius 6:34

Pahpaano niitu, tia'mo ikaarét niou tumoro u mamuali i sando, pahpaan i sando ém wéwéhan ung kasusaana in esa. Ung kasusaan in endo kenu én tia'mo pengawe-ngawesen.”

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

1 Korintus 16:22

Si tou zéi'kan rumaraaté si Mahpiara é makailek un epa'. Maranata, ung kalakoana, “Méyémo o Mahpiara!”

1 Korintus 6:7

Im wéwéhan sé mahéndo-éndoan im wia ni kamu wo um pahéndo-éndoan itii pahalina witi pahtotozan, niitu un tumuzu'mé i ni kamu éng kalamo. Tawimo iwaya niouola ni kamu im pahwangunan a mahsanaweka kaapa wéwéhan a niéndo wia ni kamu.

1 Korintus 8:13

Niitumo, sa ung kakanen u maéndo raraung wia sé katuariku esa pa'émanen, ni aku é soomo kuman u lé'ona itii makaz ing kauré-uré, wo ni aku én zéi'kan maéndo raraung wia sé katuari esa pa'émanen.

1 Korintus 9:25

Sé tou kumiit i mahlolowaan é léwo'zéi' makaezen a lelo néra im wana am péléng, wo séra toro makailek ung kukulu wia ung kaayahan u maléwo' uman. Taan ni kita mahlolowaan i makailek kukulu un zéi'kan maléwo'.

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Tesalonika 2:2

Tia' kamu rewek malinganga wo paharétan in tumalingala sé tou i mahkua un endo si Yesus i méyé sumaup é méikaayomola, zozo' u nuwu' itii ém woo méipapata'umé ni Roh Lenas, kaapa niitu én tutuzu' uman, kaapa wéwéhan sé mahkua niitu é méipantik witu un esaané im wana am pinantik nai.

Titus 3:2

Ni séra kasii én zéi'kan toro mahtawuruk, zéi'kan toro mahéndo-éndoan. Ni séra é léwo'zéi' in eluz uman wo roros até wia péléng sé tou.

Ibrani 10:25

Tia' kita mahzou' im wana am pahréwokan mahwali-wali i mahragés wia si Opo Empung tanu ung kinanaram né tou walina, taan tawimo kita mahsésésaan am wangun pahpaan un endo si Yesus i mawurimé sumaup éng kaleleznamo.

Ibrani 10:37

Pahpaan witu um Pinantik Lenas é méipantik téntii, “Zéi'mo uré, si méyé itii é méyémo, ni Sia i méyé én zéi'kan ikaurémé.

1 Petrus 1:11

A méipapata'u itiimo am pinahtata'uma né nabi, sawisa wo kura niitu i mamuali. Si Roh ni Kristus si wia sé nabi itii é nimapata'u i si Kristus é masungkul an zézéha. Mengiité an zézéha itii, si Kristus é makailek u sigi' wo looz.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 22:20

Ni Sia si kimua a niilek wo tinalinga-Na tumoro niana péléng éng kimuamé, “Éné, ni Aku zéi'mo uré é méyémo!” Niitumo ni aku, Yohanes éng kumuama, “Amin. Méyémo, o Yesus Mahpiara!”

Wahyu 22:7

Ang kuan ni Yesus, “Un ulitna ni Aku zéi'mo uré é méyémo. Mahpaa-paazla sé tou mahkiit a nuwu' ni Opo Empung a méipantik witu ung kitap kenu!”