Filipi 4:22 - Taaz Weru Witu u Nunuwu'en Tombulu

²² Péléng sé tou linenas pahpaan ma'émano wia si Yesus wia'i é mapaayoma u sigi' néra wia ni kamu. Wuntul sé mahwia-wia u istana ni Kaisar é mahpuu-puuna i mapaayoma u sigi' néra wia ni kamu.

Filipi 4:22 Iomraidhean Croise

Matius 5:47

Sa kamu mapaayo u sisigi'an wia sé katuari niou uman, apa u lumousé im wana am winangun né tou walina? Pahpaan maan sé tou zéi'kan ma'éman wia si Opo Empung kangkasii é mahwangun an téntu.

Kisah Rasul-rasul 20:38

Un até néra é lumousé i nimasusama pahpaan si Paulus éng kimuala i ni séra én zéi'mo mahile-ilekala kariana. Kumawusa niitu, a sia ipahwali nérama witi londéi tua'na.

Kisah Rasul-rasul 9:13

A mingkotla si Ananias, “Azo Mahpiara. Tinalingakumola wia sé tou lakez an tumoro si tou itii. Totozo lakez sé tou-Mu witi Yerusalem sé zinézéhana.

Roma 16:16

Mahsigi-sigi'ala karia i mahayoala lengen in tou esa pa'émanen. Péléng sé jamaat ni Kristus kangkasii é mapaayoma u sigi' wia ni kamu.

2 Korintus 13:13

Mengalé-ngaléi uman ung kamang tatambér ni Yesus Kristus Mahpiara, wo u raraatéan ni Opo Empung wo um pinaesaan karia ni Roh Lenas é menaté-natér ni kamu péléng.

Filipi 1:13

Niitumo, péléng sé suraro mahtéiz witi istana ni Kaisar wo sé tou walina é nimata'umoma, i ni aku ém binui pahpaan mahkiit si Yesus Kristus.

Ibrani 13:24

Ipapaayopé'la u sigi'ku wia péléng sé tonaas niou wo wia péléng sé tou linenas ni Opo Empung. Sé katuari esa pa'émanen sé wia Italia é mapaayoma u sigi' wia ni kamu.

1 Petrus 5:13

Maan sé jamaat wia am Babel sé pinéléng ni Opo Empung é mapaayoma u sisigi'an wia ni kamu. Téntu kangkasii si Markus si nimaéndomola tanu an oki'ku é méhéma u sisigi'an wia ni kamu.

3 Yohanes 1:14

Ni aku é mahéré'la i rewek mahilekan kariamu wo sumirita nimasaruan.